30 C
Phnom Penh
Saturday, December 3, 2022

កាណាដាគ្រោងទទួលយកជនភៀសខ្លួនអាហ្វហ្គានីស្ថានជាង​ ២ម៉ឺន១ពាន់នាក់ឲ្យទៅតាំងទីលំនៅ

នាយករដ្ឋមន្រ្តីកាណាដា លោក​ ចាស្ទីន​ ទ្រូដូ​ (Justin Trudeau) កាលពីថ្ងៃពុធ​ បាននិយាយថា​ ប្រទេសកាណាដាកំពុងព្យាយាមទទួលយកជនភៀសខ្លួនអាហ្វហ្គានីស្ថានដែលមានសិទ្ធិចូលមកប្រទេសកាណាដា​ ឲ្យបានច្រេីនតាមដែលអាចធ្វើទៅបាន​ ប៉ុន្តែលោកបានបន្ទោសក្រុមតាលីបង់ថាកំពុងរារាំងពលរដ្ឋជាច្រើនមិនឱ្យធ្វេីដំណេីរទៅអាកាសយានដ្ឋានអន្តរជាតិក្នុងរដ្ឋធានីកាប៊ុល។

លោក ទ្រូដូ បាននិយាយថា ប្រទេសកាណាដាគ្រោងទទួលយកជនភៀសខ្លួនអាហ្វហ្គានីស្ថានយ៉ាងហោចណាស់ ២ម៉ឺន១ពាន់នាក់។

លោក ទ្រូដូ បាននិយាយដែរថា​ ប្រទេសកាណាដាមិនមានគម្រោងទទួលស្គាល់ក្រុមតាលីបង់ជារដ្ឋាភិបាលរបស់ប្រទេសអាហ្វហ្គានីស្ថានទេ​ បន្ទាប់ពីចលនាអ៊ីស្លាមនិយមនេះបានចូលកាន់កាប់រដ្ឋធានីកាប៊ុលកាលពីថ្ងៃអាទិត្យ។ 

ក្រោយពីបានចូលកាន់កាប់អំណាចឡេីងវិញ​ ក្រុមតាលីបង់បានសន្យាថានឹងគ្រប់គ្រងប្រទេសប្រកបដោយសន្តិភាព​ និងបានថា ពួកគេនឹងមិនសងសឹកប្រឆាំងនឹងសត្រូវចាស់ទេ​ ហើយនឹងគោរពសិទ្ធិស្ត្រី។

ប៉ុន្តែកាលពីថ្ងៃពុធ​ សាក្សី២នាក់​ និងអតីតមន្រ្តីប៉ូលិសម្នាក់បាននិយាយប្រាប់ប្រព័ន្ធផ្សព្វផ្សាយថា​ ក្រុមយុទ្ធជនតាលីបង់បានបើកការបាញ់ប្រហារនៅពេលដែលពលរដ្ឋបានព្យាយាមដំឡើងទង់ជាតិអាហ្វហ្គានីស្ថាននៅទីលានមួយនៅក្នុងទីក្រុងចាឡាឡាបាដ​ (Jalalabad) ដោយបានសម្លាប់មនុស្ស ៣នាក់និងរបួសជាង​ ១០នាក់។

ការត្រឡប់មកកាន់អំណាចវិញរបស់ក្រុមតាលីបង់​ បានកេីតឡេីងក្នុងគ្រាដែលកងកម្លាំងបរទេសដឹកនាំដោយអាមេរិកបានដកចេញពីប្រទេសមួយនេះ​ បន្ទាប់ពីមានវត្តមាននៅទីនេះអស់រយៈពេល​ ២០ឆ្នាំ៕

អត្ថបទ នឹងរូបភាពដោយ​ Puthinews

- Advertisement -spot_imgspot_img
- Advertisement -spot_imgspot_img

អានបន្ត

spot_img
spot_imgspot_img