ស្តាប់អត្ថបទជាសម្លេង
ពោធិ៍សាត់៖ ទិវាបង្ហាញស្តីពីប្រព័ន្ធកសិកម្មចម្រុះ របស់គម្រោងស្តារឡើងវិញប្រព័ន្ធស្រោចស្រព និងរំដោះទឹកភាគខាងលិចបឹងទន្លេសាប (ហៅកាត់ថា
CP-P11) ក្រោមជំនួយថវិកាពី JICA សហការជាមួយមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ មានកសិករចូលរួមសរុប១៨គ្រួសារ នៅភូមិបឹងប្រិយ៍ ឃុំត្រពំាងជង ស្រុកបាកាន ខេត្តពោធិ៍សាត់ នាព្រឹកថ្ងៃទី១៧ ខែកញ្ញា ឆ្នាំ២០២១នេះ។
តាមការពិនិត្យ និងចុះស្ទង់ទិន្នផលជាក់ស្តែងរបស់ក្រុមការងារលើកសិករឈ្មោះ ម៉េន ពៅ ភេទប្រុស ដោយបានធ្វើបង្ហាញប្រព័ន្ធកសិកម្មចម្រុះ រួមមាន៖ (ចិញ្ចឹមមាន់ កង្កែប និងដាំត្រកួន) លើផ្ទៃដី២០អា ទទួលបានលទ្ធផលដូចខាងក្រោម៖
![](https://puthinews.com/wp-content/uploads/2021/09/photo_2021-09-18-18.44.27.jpeg)
១. ដំណាំត្រកួនផ្ទៃដី៤០០ម៉ែត្រការ៉េ អាចរកប្រាក់ចំណូលបាន៣.៦០០.០០០រៀល ចំណាយអស់ ៨០.០០០រៀល ចំណេញ ៣.៥២០.០០០រៀល ។
២. ការចិញ្ចឹមមាន់រកចំណូលបាន៣០៨.០០០រៀល ចំណាយអស់១៩៥.០០០រៀល ចំណេញបាន
១១៣.០០០រៀល។
៣. ការចិញ្ចឹមកង្កែប រកចំណូលបាន៣០០.០០០រៀល ចំណាយអស់១៩៧.៥០០រៀល ចំណេញបាន ១០២.៥០០រៀល។
សរុបទាំង០៣ ផលិតកម្ម បានលទ្ធផល
ជាក់ស្តែងចំណូលសរុប៖៤.២០៨.០០០រៀល, ចំណាយសរុប ៤៧២.៥០០រៀល ចំណេញសរុប ៣.៧៣៥.៥០០រៀល។
![](https://puthinews.com/wp-content/uploads/2021/09/photo_2021-09-18-18.44.26-1.jpeg)
![](https://puthinews.com/wp-content/uploads/2021/09/photo_2021-09-18-18.44.26-1.jpeg)
លោក មាស សេត ប្រធានការិយាល័យក្សេត្រសាស្ត្រ និងផលិតភាពកសិកម្មនៃមន្ទីរកសិកម្ម រុក្ខាប្រម៉ាញ់ និងនេសាទខេត្តពោធិ៍សាត់ បានជំរុញដល់កសិករទាំង១៨គ្រួសារនោះ ត្រូវឧស្សាហ៍ព្យាយាម និងមានការប្តេជ្ញាខ្ពស់ គឺអនុវត្តបណ្តើរ សិក្សាបទពិសោធន៍ពីសមាជិកក្នុងក្រុមរបស់ខ្លួនបណ្តើរ ដើម្បីទទូលបានជោគជ័យលើមុខរបរទាំងនោះ ក្នុងរយ:២ទៅ៣ខែប៉ុណ្ណោះ យើងអាចប្រមូលផលបាន ហើយក្នុងករណីជូបបញ្ហាក៏មានក្រុម ការងារជួយអន្តរគមន៍ផងដែរ៕
![](https://puthinews.com/wp-content/uploads/2021/09/photo_2021-09-18-18.44.25.jpeg)
![](https://puthinews.com/wp-content/uploads/2021/09/photo_2021-09-18-18.44.25.jpeg)
![](https://puthinews.com/wp-content/uploads/2021/09/photo_2021-09-18-18.44.26.jpeg)
![](https://puthinews.com/wp-content/uploads/2021/09/photo_2021-09-18-18.44.26.jpeg)
អត្ថបទ និងរូបភាពដោយ៖ Puthi News