បន្ទាយមានជ័យ៖ កសិករដែលដាំដំណាំបន្លែបង្ការនៅខេត្តបន្ទាយមានជ័យ បានត្អូញត្អែរថា ផលដំណាំឆ្នាំនេះទទួលបានផលគួរសម តែដោយសារនៅក្នុងខែធ្នូនេះ មានការធ្លាក់ថ្លៃបន្តិច។ ការនេះពួកគាត់បានសំណូមដល់ប្រជាពលរដ្ឋខ្មែរ គួរតែងាកមកគាំទ្រផលិតផលខ្មែរដែលប្រើប្រាស់ជីធម្មជាតិ ដើម្បីសុខភាព ចៀសវាងទិញផលិតបរទេស មិនស្គាល់ប្រភព ឬប្រើប្រាស់ជីគីមី ធ្វើឱ្យប៉ះពាល់ដល់សុខភាព។
![](https://puthinews.com/wp-content/uploads/2021/12/photo_2021-12-07-15.32.04-1024x598.jpeg)
អ្នកស្រី សូ ចន្ថា ជាកសិករដាំបន្លែបានត្អូញត្អែរថា តម្លៃទីផ្សារមានការប្រែប្រួលមិនទៀងទាត់ទេ។ ឆ្នាំនេះមានតម្លៃប្រសើរជាងឆ្នាំមុន ដោយសារតែមានការបិតការនាំចូលពីប្រទេសជិតខាង ដោយសារជំងឺកូវីដ-១៩ ហើយក៏បានសង្កេតឃើញថា តម្លៃទីផ្សារក្នុងស្រុកបានឡើងខ្ពស់បន្តិចដែរ ដោយស្ពៃក្រញ៉ាញ់ ស្ពៃសៃស៊ីម និងស្ពៃចយ(ស្ពៃតឿ) មានតម្លៃ ២៥០០រៀលក្នុង១គីឡូក្រាម។ ចំណែកស្ពៃខាត់ណា មានតម្លៃ ៤០០០រៀលក្នុង១គីឡូក្រាម។ ទោះមានតម្លៃថ្លៃគួរសមក៏ដោយ តែអ្នកស្រីបារម្ភថា ខែក្រោយបន្លែគ្រប់មុខនឹងមានការធ្លាក់ចុះ ព្រោះឆ្នាំនេះបន្លែសំបូរ ដោយសារមានអ្នកដាំច្រើន។
![](https://puthinews.com/wp-content/uploads/2021/12/photo_2021-12-07-15.32.06-1024x546.jpeg)
![](https://puthinews.com/wp-content/uploads/2021/12/photo_2021-12-07-15.32.06-1024x546.jpeg)
ជាមួយគ្នានេះ លោក លឿត ឡាំ អាយុ ៣៧ឆ្នាំ រស់នៅភូមិពង្រ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ បានឱ្យដឹងដែរថា ក្រោយពីធ្វើស្រែ លោក និងភរិយា បានប្រកបរបរដាំដំណាំស្ពៃចម្រុះអស់រយៈពេលជាង ១០ឆ្នាំមកហើយ។ ការចាប់យករបរដាំដំណាំនេះ បានធ្វើឱ្យលោកមានជីវភាពធូរធារមួយកម្រិតថែមទៀត ពោលគឺ កាក់កបជាងធ្វើស្រែ ទោះជាបន្លែមានការធ្លាក់ថ្លៃបន្តិចដោយសារតែមានការដាំដុះច្រើនក៏ដោយ។ ចំពោះការដាំដុះដំណាំកសិកម្ម ដូចជា ស្ពៃក្រញ៉ាញ់ ស្ពៃសៃស៊ីម(ស្ពៃចង្កឹះ) ស្ពៃចយ(ស្ពៃតឿ) ដែលមានរយៈពេល ២៥ថ្ងៃ អាចប្រមូលផលបានហើយ។ ចំណែកស្ពៃខាត់ណា ប្រើពេលរហូតដល់ ៣ខែ ទើបទទួលបានផល។
![](https://puthinews.com/wp-content/uploads/2021/12/photo_2021-12-07-15.32.08-1024x485.jpeg)
![](https://puthinews.com/wp-content/uploads/2021/12/photo_2021-12-07-15.32.08-1024x485.jpeg)
លោកបានអះអាងថា ការធ្វើចម្ការដាំដំណាំ ទទួលបានកម្រៃជាងធ្វើស្រែឆ្ងាយណាស់។ ដូច្នេះ លោក សំណូមពរដល់ប្រជាពលរដ្ឋ ដែលស្រលាញ់សុខភាព គួរតែជួយគាំទ្រផលិផលខ្មែរយកទៅបរិភោគ ដោយប្រើប្រាស់ជីធម្មជាតិ(អាចម៌គោ អាចម៌មាន់ អាចម៌ទា) ដោយមិនប្រើជីគីមីខុសពីទំនិញបរទេស។
![](https://puthinews.com/wp-content/uploads/2021/12/photo_2021-12-07-15.32.13-1024x485.jpeg)
![](https://puthinews.com/wp-content/uploads/2021/12/photo_2021-12-07-15.32.13-1024x485.jpeg)
ទាក់ទងនឹងការលើកឡើងរបស់ប្រជាកសិករនេះ លោក ប៉ាង វណ្ណាសេត ប្រធានមន្ទីរកសិកម្ម ខេត្តបន្ទាយមាន
ជ័យ បានអះអាងថា បច្ចុប្បន្នមិនថាតែដំណាំស្រូវ ឬបន្លែបង្ការនោះទេ នៅមានតម្លៃខ្ពស់នៅឡើយ ហើយលោកក៏បានសំណូមពរដល់ប្រជាកសិករឱ្យនាំគ្នាដាំបន្លែបង្ការឱ្យបានច្រើន ដើម្បីគ្រប់តម្រូវការនៅក្នុងស្រុក៕
![](https://puthinews.com/wp-content/uploads/2021/12/photo_2021-12-07-15.32.15-1024x524.jpeg)
![](https://puthinews.com/wp-content/uploads/2021/12/photo_2021-12-07-15.32.15-1024x524.jpeg)
![](https://puthinews.com/wp-content/uploads/2021/12/photo_2021-12-07-15.32.17.jpeg)
![](https://puthinews.com/wp-content/uploads/2021/12/photo_2021-12-07-15.32.17.jpeg)
![](https://puthinews.com/wp-content/uploads/2021/12/photo_2021-12-07-15.32.20-1024x485.jpeg)
![](https://puthinews.com/wp-content/uploads/2021/12/photo_2021-12-07-15.32.20-1024x485.jpeg)
![](https://puthinews.com/wp-content/uploads/2021/12/photo_2021-12-07-15.32.23-1024x485.jpeg)
![](https://puthinews.com/wp-content/uploads/2021/12/photo_2021-12-07-15.32.23-1024x485.jpeg)
![](https://puthinews.com/wp-content/uploads/2021/12/photo_2021-12-07-15.32.25-1024x485.jpeg)
![](https://puthinews.com/wp-content/uploads/2021/12/photo_2021-12-07-15.32.25-1024x485.jpeg)
![](https://puthinews.com/wp-content/uploads/2021/12/photo_2021-12-07-15.32.29-1024x485.jpeg)
![](https://puthinews.com/wp-content/uploads/2021/12/photo_2021-12-07-15.32.29-1024x485.jpeg)
![](https://puthinews.com/wp-content/uploads/2021/12/photo_2021-12-07-15.32.33-1024x486.jpeg)
![](https://puthinews.com/wp-content/uploads/2021/12/photo_2021-12-07-15.32.33-1024x486.jpeg)
អត្ថបទ និងរូបភាពដោយ Puthinews
Telegram group: ឯកសារចំណេះដឹងសាធារណៈជន
YOUBE >> https://www.youtube.com/channel/UCeI_LAmIoaEAhhs5ceI8xPQ
WEB>> https://puthinews.com/