យុវតីវ័យក្មេងម្នាក់ ចង់បញ្ចប់ជីវិតដោយលោតពីលើស្ពានជ្រោយចង្វារ សង្ស័យមានវិបត្តិផ្លូវចិត្ត

ស្តាប់អត្ថបទជាសម្លេង

ភ្នំពេញ៖ យុវតីវ័យ២០ឆ្នាំម្នាក់ សង្ស័យមានវិបត្តិផ្លូវចិត្ត បម្រុងឡើងស្ពានជ្រោយចង្វារ លោតទឹកបញ្ចប់ជីវិត នៅវេលាម៉ោង៤ល្ងាច ថ្ងៃទី០៦ ខែកញ្ញា ឆ្នាំ២០២១ ប៉ុន្តែត្រូវបានក្រុមអ្នកជិះកង់ហាត់ប្រាណប្រទះឃើញ ក៏នាំគ្នា ស្រែកឱ្យគេជួយឃាត់ និងនាំយកចុះទៅខាងក្រោមស្ពានវិញ។ 

យោងតាមការឱ្យដឹងពីនារីរងគ្រោះ បានឱ្យដឹងថា មានឈ្មោះ ពេជ្រ លីហ្សា អាយុ២០ឆ្នាំ ជាអ្នកលក់ដូរ ចាប់ហួយ រស់នៅសង្កាត់សំរោង ខណ្ឌពោធិសែនជ័យ រាជធានីភ្នំពេញ។ នាងបានរៀបរាប់ថា ដោយសារតែមានវិបត្តិផ្លូវចិត្ត និងពិបាកចិត្តយ៉ាងខ្លាំង ព្រោះបច្ចុប្បន្នទទួលរងនូវសម្ពាធគ្រប់បែបយ៉ាង ទាំងក្នុងគ្រួសារ ទាំងស្នេហា ទាំងរឿងផ្ទាល់ខ្លួន ទើបសម្រេចចិត្តជិះកង់បីឥណ្ឌា ឡើងលើស្ពានជ្រោយចង្វារបញ្ចប់ជីវិតដូចនេះ។ 

សូមបញ្ជាក់ថា ក្រោយពីឃាត់នារីដែលបម្រុងលោកទឹកសម្លាប់ខ្លួននេះរួច សម្ថកិច្ចបានធ្វើការលួងលោម និងនាំខ្លួនទៅអង្គភាពការពារ គោលដៅ៣ ដែលមានទីតាំងក្រោមស្ពានជ្រោយចង្វារ ដើម្បីរង់ចាំគ្រួសារមកទទួលត្រឡប់ទៅវិញ៕

អត្ថបទ និងរូបភាពដោយ៖ Puthi News