ស្តាប់អត្ថបទជាសំឡេង
![](https://puthinews.com/wp-content/uploads/2021/09/photo_2021-09-30-10.57.19-1024x498.jpeg)
ភ្នំពេញ៖ កម្ពុជាត្រៀមធ្វើជាប្រធានកិច្ចប្រជុំកំពូលអាស៊ី អឺរ៉ុបលើកទី១៣ តាមរយៈប្រព័ន្ធវីដេអូ នៅថ្ងៃទី ២៥ -២៦ ខែវិច្ឆិកា ឆ្នាំ២០២១នេះ ដោយមានកិច្ចការជាច្រើន ដែលកម្ពុជា កំពុងរៀបចំធ្វើ និងប្តេជ្ញាចិត្តក្នុងការរៀបចំកិច្ចប្រជុំកំពូលអាស៉ី- អឺរ៉ុប លើកទី១៣ ខាងមុខ ឱ្យប្រព្រឹត្តទៅដោយរលូន និងជោគជ័យ។
![](https://puthinews.com/wp-content/uploads/2021/09/photo_2021-09-30-10.57.21-1-1024x498.jpeg)
![](https://puthinews.com/wp-content/uploads/2021/09/photo_2021-09-30-10.57.21-1-1024x498.jpeg)
នៅរសៀលថ្ងៃទី២៩ ខែកញ្ញានេះ នៅទីស្តីការក្រសួងការបរទេស និងសហប្រតិបត្តិការអន្តរជាតិ លោក លុយ ដាវីត អនុ ប្រធានប្រចាំការ និងជាប្រធានលេខាធិ ការដ្ឋានរៀបចំកិច្ចប្រជុំកំពូលអាស៊ី – អឺរ៉ុប លើកទី១៣ និងលោក ហួត ឃាងវេង រដ្ឋលេខាធិការក្រសួងព័ត៌មាន បានជួបប្រជុំជាមួយស្ថានឯកអគ្គរដ្ឋទូត ស្ថានអគ្គកុងស៊ុល និងឯកអគ្គរាជទូត នៃប្រទេសជាសមាជិកអាស៉ី-អឺរ៉ុប ចំនួន៥៣ប្រទេស ប្រចាំនៅកម្ពុជា តាមប្រព័ន្ធវីដេអូ បង្ហាញពីមោទនភាព និងសមិទ្ធផលធំៗ ដែលកម្ពុជាមាន។
![](https://puthinews.com/wp-content/uploads/2021/09/photo_2021-09-30-10.57.21-1024x498.jpeg)
![](https://puthinews.com/wp-content/uploads/2021/09/photo_2021-09-30-10.57.21-1024x498.jpeg)
តាមការបញ្ជាក់ពីលោក លុយ ដាវីត ឱ្យដឹងថា៖ កិច្ចប្រជុំកំពូល អាស៊ី អឺរ៉ុបលើកទី១៣ ASEM នា ឆ្នាំ២០២១ កម្ពុជានិងប្រទេសស្លូវេនី ធ្វើជាសហប្រធាននៃកិច្ចប្រជុំនេះ។ ភាគីទាំងពីរ បានធ្វើការពិភាក្សាគ្នាលើកិច្ចការជាច្រើន ដើម្បីធ្វើកិច្ចប្រជុំ កំពូលនោះ បានទទួលលទ្ធផលល្អ និងប្រកបដោយផ្លែផ្កា។ លោកលុយ ដាវីត បានបញ្ជាក់ទៀតថា ប្រទេសរុស្សី បានផ្តល់ការគាំទ្រដល់កម្ពុជា ធ្វើជាប្រធានកិច្ចប្រជុំកំពូលអាស៉ី-អឺរ៉ុប លើកទី១៣៕
![](https://puthinews.com/wp-content/uploads/2021/09/photo_2021-09-30-10.57.23-1024x498.jpeg)
![](https://puthinews.com/wp-content/uploads/2021/09/photo_2021-09-30-10.57.23-1024x498.jpeg)
អត្ថបទ និងរូបភាពដោយ៖ Puthinews