អាជ្ញាធរស្រុកសៀមប៉ាងខេត្តស្ទឹងត្រែង ផ្តើមសាងសង់រង្វង់មូលថ្នី ដើម្បីពង្រីកទីរួមស្រុកឱ្យធំទូលាយ ប្រយោជន៍ប្រជាពលរដ្ឋមានដីកម្មសិទ្ធនៅតំបន់នោះបានសាងសង់ គេហដ្ឋានថ្នី ក្នុងពេលដែលពួកគាត់ត្រូវចាកចេញពីជួរមាត់ទន្លេ មករស់នៅតំបន់មានសុវត្ថិភាព។
![](https://puthinews.com/wp-content/uploads/2023/01/photo_2023-01-20-14.54.33-1024x509.jpeg)
ក្នុងសកម្មភាពស្ថាបនា រង្វង់មូលថ្នីនៅទីទួលខ្ពស់ក្នុងភូមិផាបាំង ឃុំថ្មកែវ កាលពីថ្មីៗនេះ លោក ផាន់ យុត អភិបាលស្រុកសៀមប៉ាងបានបញ្ចាក់ថា៖ អាជ្ញាធរមិនចង់ឃើញគ្រោះធម្មជាតិដោយសារច្រាំងទន្លេសេកុងបាក់នៅខែវស្សាទាញយកផ្ទះប្រជាពលរដ្ឋកំពុងរស់នៅនោះទេ ទើបអាជ្ញាធរស្រុកសហការគ្នា អភិវឌ្ឍទីតាំងថ្មី សម្រាប់ផ្តល់អត្ថិភាពជូនបងប្អូនយើងបានមកសាងសង់លំនៅដ្ឋានស្នាក់នៅចៀសផុតពីហានិភ័យផ្សេងៗ។
![](https://puthinews.com/wp-content/uploads/2023/01/photo_2023-01-20-14.54.36.jpeg)
![](https://puthinews.com/wp-content/uploads/2023/01/photo_2023-01-20-14.54.36.jpeg)
លោកបន្តថា៖ នៅឆ្នាំ២០២៣នេះ និងបន្តសាងសង់ហេដ្ឋារចនាសម្ព័ន្ធផ្សេងៗបន្ថែមទៀត ទៅតាមផែនការដែលបានគ្រោងទុក ព្រោះបច្ចុប្បន្ន យើងអនុវត្តសម្រេចបានសមិទ្ធផល រួមមានខ្សែផ្លូវបណ្តោយចំនួន២៦ខ្សែ និងខ្សែផ្លូវទទឹងចំនួន២៨ខ្សែ និងបានដាក់បង្គោលភ្លើងសូឡាបំភ្លឺតាមដងផ្លូវបានជាង១០០បង្គោល។ បច្ចុប្បន្នមានប្រជាពលរដ្ឋមករស់នៅបានជាង២០%ហើយ ក្នុងចំណោមអ្នកដែលត្រូវចេញពីជួរមាត់ទន្លេ ប្រមាណជិត៣០០គ្រួសារនោះ។
![](https://puthinews.com/wp-content/uploads/2023/01/photo_2023-01-20-14.54.38.jpeg)
![](https://puthinews.com/wp-content/uploads/2023/01/photo_2023-01-20-14.54.38.jpeg)
លោកស្រី ម៉ី ដានី នៅភូមិសៀមប៉ាងបានគាំទ្រដល់យន្តការដោះស្រាយនេះ ព្រោះពេលបានទៅនៅទីតាំងថ្មីការរស់នៅមានសុខសុវត្ថិភាពគ្រប់យ៉ាង ហើយបងប្អូនយើងបាននៅជូបជុំគ្នាបង្ហាញឱ្យឃើញពីភាពវិវឌ្ឍន៍ឱ្យមានភូមិថ្មីមួយនៅក្នុងទីរួមស្រុក ដែលប្រជាពលរដ្ឋយើងកំពុងចង់បាន។
![](https://puthinews.com/wp-content/uploads/2023/01/photo_2023-01-20-14.54.40.jpeg)
![](https://puthinews.com/wp-content/uploads/2023/01/photo_2023-01-20-14.54.40.jpeg)
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន និងជាប្រធានក្រុមការងាររបស់រាជរដ្ឋាភិបាលចុះជួយខេត្តស្ទឹងត្រែងមានប្រសាសន៍ចាត់ទុកថា៖ ភាពរីកចម្រើមួយថ្មីនេះពិតជាកើតចេញពី អាជ្ញាធរគ្រប់ថ្នាក់ និងប្រជាពលរដ្ឋនៅស្រុកសៀមប៉ាងបានរួមសាមគ្គីគ្នាធ្វើការអភិវឌ្ឍឡើង ដែលយើងអាចនិយាយបានថា មានសន្តិភាពមានអ្វីៗទាំងអស់។
![](https://puthinews.com/wp-content/uploads/2023/01/photo_2023-01-20-14.54.42.jpeg)
![](https://puthinews.com/wp-content/uploads/2023/01/photo_2023-01-20-14.54.42.jpeg)
សូមបញ្ចាក់ថា៖ ស្រុកសៀមប៉ាងស្ថិនក្នុងចំណោមស្រុកចំនួន៤ ដែល មានចម្ងាយឆ្ងាយពីទីរួមខេត្តស្ទឹងត្រែងជាង១០០គីឡូម៉ែត្រ ត្រូវបានរាជរដ្ឋាភិបាលយកចិត្តទុកដាក់ជំរុញឱ្យរៀបចំអភិវឌ្ឍគ្រប់ហេដ្ឋារចនាសម្ព័ន្ធនៅទីរួមស្រុក ក្នុងពេលដែលផ្លូវខ្សែក្រវ៉ាត់ព្រំដែនបានសាងសង់ហើយនោះ ។
![](https://puthinews.com/wp-content/uploads/2023/01/photo_2023-01-20-14.54.45-1024x679.jpeg)
![](https://puthinews.com/wp-content/uploads/2023/01/photo_2023-01-20-14.54.45-1024x679.jpeg)
![](https://puthinews.com/wp-content/uploads/2023/01/photo_2023-01-20-14.54.48-1024x578.jpeg)
![](https://puthinews.com/wp-content/uploads/2023/01/photo_2023-01-20-14.54.48-1024x578.jpeg)
![](https://puthinews.com/wp-content/uploads/2023/01/photo_2023-01-20-14.54.55-1024x578.jpeg)
![](https://puthinews.com/wp-content/uploads/2023/01/photo_2023-01-20-14.54.55-1024x578.jpeg)
ដោយ៖ Puthinews
Telegram Channel: Puthi News
Puthinews Android app: Puthi News
Youtube Channel: Puthi News