ស្តាប់អត្ថបទជាសំឡេង
ខេត្តព្រះសីហនុ៖ បន្ទប់ទឹក សាធារណៈតាមបណ្តោយឆ្នេរសមុទ្រ ត្រូវបានដាក់ឱ្យដំណើរការចាប់ពីថ្ងៃទី០៣ ខែតុលា ឆ្នាំ២០២១នេះតទៅ ដែលមានចំនួន០៦ទីតាំង ក្នុងចំណោម០៩ទីតាំង សម្រាប់ទទួលភ្ញៀវទេសចរជាតិ និងភ្ញៀវបរទេស ក្នុងឱកាសថ្ងៃឈប់សម្រាកបុណ្យ ភ្ជុំបិណ្ឌប្រពៃណីខ្មែរ។
![](https://puthinews.com/wp-content/uploads/2021/10/photo_2021-10-04-14.17.44-1024x682.jpeg)
ជាមួយគ្នានោះ លោកអភិបាលខេត្តព្រះសីហនុ បានណែនាំឱ្យមន្ទីរទេសចរណ៍ខេត្ត ត្រូវរៀបចំឯកសណ្ឋានអ្នកអនាម័យឱ្យត្រឹមត្រូវ ដើម្បីឱ្យភ្ញៀវដែលមកប្រើប្រាស់បន្ទប់ទឹកសាធារណៈបានដឹង។
![](https://puthinews.com/wp-content/uploads/2021/10/photo_2021-10-04-14.17.46-1-1024x768.jpeg)
![](https://puthinews.com/wp-content/uploads/2021/10/photo_2021-10-04-14.17.46-1-1024x768.jpeg)
ទន្ទឹមនោះដែរលោកអភិបាលខេត្ត ក៏បានធ្វើការណែនាំឱ្យអាជីវករត្រូវរៀបចំដាក់លក់ម្ហូបអាហារប្រចាំតំបន់ ព្រោះខេត្តជាតំបន់សមុទ្រ ដូច្នេះត្រូវផ្សព្វផ្សាយម្ហូបសមុទ្ររបស់ខេត្ត ដែលមានគុណភាព និងរស់ជាតិឆ្ងាញ់ពិសា សម្រាប់ទាក់ទាញភ្ញៀវមកលេងកម្សាន្ត ឱ្យបានកាន់តែច្រើននាពេលខាងមុខ និងសូមឱ្យបងប្អូនប្រជាពលរដ្ឋភ្ញៀវទេសចរទាំងជាតិ និងអន្តរជាតិមកលេងកម្សាន្ត នៅខេត្តព្រះសីហនុក្នុងឱកាសពិធីបុណ្យ កាន់បិណ្ឌភ្ជុំបិណ្ឌនេះសូមជួយរក្សាអនាម័យ ជាពិសេសយើងចូលរួមសម្អាតបរិស្ថានតំបន់ឆ្នេរ បន្ទប់ទឹកសម្រាប់ប្រើប្រាស់បានយូរអង្វែង៕
![](https://puthinews.com/wp-content/uploads/2021/10/photo_2021-10-04-14.17.49-1024x576.jpeg)
![](https://puthinews.com/wp-content/uploads/2021/10/photo_2021-10-04-14.17.49-1024x576.jpeg)
![](https://puthinews.com/wp-content/uploads/2021/10/photo_2021-10-04-14.17.50-1024x768.jpeg)
![](https://puthinews.com/wp-content/uploads/2021/10/photo_2021-10-04-14.17.50-1024x768.jpeg)
![](https://puthinews.com/wp-content/uploads/2021/10/photo_2021-10-04-14.17.51-1024x682.jpeg)
![](https://puthinews.com/wp-content/uploads/2021/10/photo_2021-10-04-14.17.51-1024x682.jpeg)
អត្ថបទ និងរូបភាពដោយ៖ Puthinews