លោកស្រី គីម យ៉ូជុង ជាប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើង លោក គឹម ជុងអ៊ុន បានចោទប្រកាន់ប្រធានាធិបតីកូរ៉េខាងត្បូង លោក យួន ស៊ុកយ៉ុល ថាបានបង្កើតភាពតានតឹងនៅឧបទ្វីបកូរ៉េ ដើម្បីបង្វែរការយកចិត្តទុកដាក់ពីបញ្ហានៅក្នុងប្រទេស។ នេះបើយោងតាមប្រព័ន្ធផ្សព្វផ្សាយរដ្ឋ បានរាយការណ៍នៅថ្ងៃចន្ទទី៨ ខែកក្កដា…។ ភាពតានតឹងរវាងបងប្អូនកូរ៉េទាំងពីរកំពុងកើនកម្ដៅឡើងខ្លាំង បន្ទាប់ពីរដ្ឋធានីព្យុងយ៉ាងចុះហត្ថលេខាលើកិច្ចព្រមព្រៀងការពារទៅវិញទៅមកជាមួយរុស្ស៊ី ហើយបានបញ្ជូនបាឡុងដឹកសំរាមទៅកាន់កូរ៉េខាងត្បូង។ លោកស្រី គីម យ៉ូជុង បានអះអាងថា៖«លោកយួន និងបក្ខពួករបស់លោក ដែលបានធ្លាក់ចូលទៅក្នុងវិបត្តិកាន់អំណាចដ៏អាក្រក់បំផុត កំពុងព្យាយាមគេចមុខភ្លាមៗតាមរយៈវេទិកានៃភាពតានតឹង មិនធ្លាប់មានដែលបានកើនឡើង»។ នេះបើយោងតាមសារព័ត៌មាន KCNA។លើសពីនេះ លោកស្រីបានលើកឡើងនូវញត្តិតាមអ៊ីនធឺណិតទាមទារឱ្យ លោក យួន ចុះចេញពីតំណែង ត្រូវបានគេចោទប្រកាន់ដោយបានចុះហត្ថលេខាជាង១លាន។
![](https://puthinews.com/wp-content/uploads/2024/07/photo_2024-07-09_15-29-37.jpg)
ដោយ៖ Puthinews
Youtube Channel: Puthi News
Telegram Channel: Puthi News
Puthinews Android app: Puthi New