លោក ដូណាល់ ត្រាំ បានរងរបួសបន្ទាប់ពីការបាញ់ប្រហារ ដោយគេឃើញឈាមនៅផ្ទៃមុខរបស់លោក។ លោក ត្រាំ ត្រូវបានកងអង្គរក្សប្រញាប់ប្រញាល់នាំខ្លួនចុះពីលើឆាក បន្ទាប់ពីសំឡេងផ្ទុះខ្លាំងៗត្រូវបានគេឮ ហើយគាត់បានដួលទៅលើដី នៅពេលចាប់ផ្តើមការប្រមូលផ្តុំគ្នានៅទីក្រុង Butler រដ្ឋ Pennsylvania កាលពីយប់ថ្ងៃសៅរ៍។
ភ្នាក់ងារសម្ងាត់បាននិយាយថាបច្ចុប្បន្ន លោក ត្រាំ មានសុវត្ថិភាព និងស្ថិតក្រោមវិធានការការពារ។ អ្នកនាំពាក្យបាននិយាយថា លោក ត្រាំ មិនមានគ្រោះថ្នាក់ដល់អាយុជីវិតទេ ហើយបានចាត់ទុកឧបទ្ទវហេតុនេះថាជា “ទង្វើដ៏សាហាវយង់ឃ្នង” ប៉ុន្តែព័ត៌មានលម្អិតអំពីអ្វីដែលបានកើតឡើងនៅមានតិចតួចនៅឡើយ។
ហេតុការណ៍បាញ់ប្រហារនេះ បានកើតឡើងបន្ទាប់ពីថ្ងៃដ៏មមាញឹកនៃយុទ្ធនាការស្វែងរកសំឡេងគាំទ្រ សម្រាប់ទាំងលោក ត្រាំ និងលោក បៃដិន ក្នុងការប្រជែងតំណែងប្រធានាធិបតីឆ្នាំ ២០២៤៕
ប្រភព:CNN
ដោយ៖ Puthinews
Youtube Channel: Puthi News
Telegram Channel: Puthi News
Puthinews Android app: Puthi New
