ពិតជារឿងភ្ញាក់ផ្អើលម្ដងទៀតសម្រាប់អ្នកគាំទ្រតារាចម្រៀងស្រគត់ស្រគំ សុគន្ធ នីសា នៅពេលដឹងថា អ្នកនាងបានប្រកាសខ្លួនជាតារាចម្រៀងឯករាជ្យ ក្រោយចាកចេញពីហង្សមាសយ៉ាងស្ងប់ស្ងាត់ជាលើកទី ២។
តារាចម្រៀងស្រីជួរមុខនៅក្នុងប្រទេសកម្ពុជារូបនេះ ហាក់រក្សាភាពស្ងៀមស្ងាត់មិនចេញការបកស្រាយអ្វីទាំងអស់ ពាក់ព័ន្ធជាមួយការជ្រើសរើសផ្លូវដើរផ្សេងគ្នាពីហង្សមាសដែលជាទ្រនំចាស់ដែលអ្នកនាងបានជ្រករាប់ឆ្នាំ។ ប៉ុន្តែនៅលើហ្វេសប៊ុកផេកផ្លូវការរបស់តារាចម្រៀង សុគន្ធ នីសា ស្រាប់តែចេញមកប្រកាសថា អ្នកនាង សុគន្ធ នីសា ជាតារាចម្រៀងឯករាជ្យយ៉ាងច្បាស់លាស់។ ហេតុនេះហើយធ្វើឱ្យហ្វេនចាប់បានថា តារាចម្រៀងស្រីរូបនេះពិតជាបានចាកចេញពីហង្សមាសពិតប្រាកដមែន។
ជាមួយដំណឹងសោកសៅសម្រាប់ហ្វេនអ្នកគាំទ្រមួយនេះ គេក៏ឃើញតារាសិល្បៈរួមទ្រនំហង្សមាសក៏បានចូលរួមបង្ហាញអារម្មណ៍ស្រងេះស្រងោចចំពោះការចាកចេញរបស់អ្នកនាង សុគន្ធ នីសា ផងដែរ។ ជាក់ស្ដែងដូចលោក ណុប បាយ៉ារិទ្ធ បានគាស់កកាយរូបភាពចាស់ៗជាតារាចម្រៀងស្រីជាដៃគូរូបនេះ និងបង្ហោះសារថា «រំលឹករូបថត១២ឆ្នាំមុនជាមួយប្អូនស្រី សុគន្ធ នីសា Sokun Nisa ដៃគូរដ៏កម្សត់កម្រជាមួយខ្ញុំ» ។
គួររំលឹកដែរថា តារាចម្រៀងស្រី សុគន្ធ នីសា បានចូលរួមប្រឡូកសិល្បៈនៅឆ្នាំ ២០០២ ក្នុងផលិតកម្មរស្មីស្ទឹងសង្កែ ក្រោយមកនៅឆ្នាំ ២០០៣ បានចូលចៀងនៅក្នុងផលិតកម្ម Spark Music ។ មិនយូរឆ្នាំប៉ុន្មាន តារាចម្រៀងស្រីរូបនេះបានចូលមកច្រៀងនៅក្នុងផលិតកម្ម ហង្សមាស នៅឆ្នាំ ២០០៧ ហើយបានចាកចេញទៅផលិតកម្មថោននៅឆ្នាំ ២០១២ និងត្រឡប់មកច្រៀងនៅផលិតកម្មហង្សមាសវិញនៅឆ្នាំ ២០១៦ រហូតដល់សព្វថ្ងៃ៕
ដោយ៖ Puthinews
Youtube Channel: Puthi News
Telegram Channel: Puthi News
Puthinews Android app: Puthi New
