ស្វាយរៀង៖ នៅព្រឹកថ្ងៃទី២ ខែកក្ដដាឆ្នាំ២០២៤នេះ ឯកឧត្តមជា ដែន អនុរដ្ឋលេខាធិការ នៃ ក្រសួងសង្គមកិច្ច ,ទីប្រឹក្សា សមាគម សម្ព័ន្ធអភិវឌ្ឍន៍ពាណិជ្ជកម្មកម្ពុជា (Cambodia Commercial Alliance Development Association – CCADA)បាននាំយកអំណោយជូនដល់សិស្សពិការភាពនៅវិទ្យាល័យប្រសូតដែលមានឈ្មោះរស់ រដ្ឋា អាយុ ១៣ ឆ្នាំ រស់នៅភូមិកន្លៀងរាយ ឃុំកណ្ដៀងរាយស្រុកស្វាយទាបខេត្តស្វាយរៀង អំណោយដែលទទួលបាននៅពេលនេះបានឧបត្ថម្ភពីឯកឧត្តមជា ដែន អនុរដ្ឋលេខាធិការ នៃ ក្រសួងសង្គមកិច្ច ,ទីប្រឹក្សា សមាគម សម្ព័ន្ធអភិវឌ្ឍន៍ពាណិជ្ជកម្មកម្ពុជា,លោកជំទាវវ៉ាន់ សុភី ប្រធានកិត្តិយសសមាគម សម្ព័ន្ធអភិវឌ្ឍន៍ពាណិជ្ជកម្មកម្ពុជានិងលោកអន សុផាត អនុប្រធានសមាគម សម្ព័ន្ធអភិវឌ្ឍន៍ពាណិជ្ជកម្មកម្ពុជាខេត្តស្វាយរៀង។
ពិធីនេះមានអញ្ជើញចូលរួម ពី លោកនាយកសាលា,លោកនាយករង,លោកស្រីមេឃុំ,និងលោកគ្រួអ្នកគ្រួ និងម្ដាយរបស់ប្អូនប្រុសពិការភាព។
អំណោយដែលប្អូនប្រុសពិការភាពទទួលបានរួមមាន៖
កង់អាគុយសម្រាប់ជនពិការ១គ្រឿងតម្លៃ៥៥០ដុល្លាសហរដ្ឋអាមេរិក,សៀវភៅសិក្សា,ថវិកា១០មុឺនរៀល និងផ្គត់ផ្គង់ប្រចាំខែសម្រាប់ប្អូនចាយវាយគឺក្នុងមួយខែចំនួន ១៥មុឺនរៀលបន្ថែមទៀតរយៈពេលមួយឆ្នាំ ។នៅក្នុងឱកាសនោះដែរម្ដាយរបស់ប្អូនប្រុសទទួលបានថវិកាពីរឯកឧត្តមចំនួន២០មុឺនរៀលផងដែរ។
ឆ្លៀតនៅក្នុងឱកាសនោះដែរឯកឧត្តមជា ដែន ជួបសំណេះសំណាលជាមួយសិស្ស ក្រុមកាយរិទ្ធ,ក្រុមសសយក និងក្រុមកាបាទក្រហមកម្ពុជា ចំនួន៧៩នាក់នៅសាលប្រជុំវិទ្យាល័យប្រសូត្រ ឯកឧត្តមក៏បានធ្វើការណែនាំអំពីការសិក្សាការអានសៀវភៅ និងជំរុញឲ្យសិស្សានុសិស្សយកចិត្តទុកដាក់ក្នុងការរៀនសូត្រនិងខិតខំអានសៀវភៅឲ្យបានច្រើនដើម្បីបង្កើនសមត្ថភាពនៃចំណេះដឹងនៃការសិក្សា ដើម្បីក្លាយទៅជាសិស្សពូកែដ៏មានចំណេះដឹងមួយពិតប្រាកដ។
នៅក្នុងពិធីសំណេះសំណាលជាមួយសិស្សានុសិស្សឯកឧត្តមបានឧបត្ថម្ភទៅដល់សិស្ស ក្រុមការចរិទ្ធ សសរយក កាកបាទក្រហមសម្រាប់ទិញសម្ភារៈផ្សេងៗដែលសរុបថវិកាចំនួន៩,៤៦៣,០០០រៀលនិងបានឧបត្ថម្ភថវិការទិញសម្ភារៈកីឡា ចំនួន៦១៥ដុល្លារសហរដ្ឋអាមេរិកបន្ថែមទៀតនិងសិស្សានុសិស្សដែលបានចូលរួមម្នាក់ទទួលបានថវិកាចំនួន ២ ម៉ឺនរៀលសរុប៧៩នាក់សរុបថវិកា ១៥៨០០០០ មួយលានប្រាំសែនប្រាំបីម៉ឺនរៀលផងដែរ។
លោកនាយកសាលាលោកគ្រូអ្នកគ្រូទាំងអស់ ម្ដាយប្អូនប្រុសពិការភាព សូមថ្លែងអំណរអរគុណ ដែលឯកឧត្តមលោកជំទាវលោកលោកស្រីនិងក្រុមការងារ បាននាំយកអំណោយ នាពេលនេះយើងខ្ញុំទាំងអស់គ្នាសូមគោរពជូនពរដល់ឯកឧត្ដមលោកស្រីប្រធានសមាគមនិងក្រុមការងារជួបតែសំណាងល្អនិងពុទ្ធពរទាំង ៤ប្រការគឺអាយុវណ្ណៈសុខៈពលៈកុំបីឃ្លៀងឃ្លាតឡើយ ៕
ដោយ៖ Puthinews
Youtube Channel: Puthi News
Telegram Channel: Puthi News
Puthinews Android app: Puthi New
