27 C
Phnom Penh
Monday, July 15, 2024

UN៖ ភាពគ្មានច្បាប់បានរារាំងជំនួយនៅក្នុងតំបន់ហ្គាហ្សា

អង្គការសហប្រជាជាតិ បាននិយាយថាខ្លួនមិនអាចចែកចាយជំនួយនៅតំបន់ហ្គាហ្សាស្គ្រីប ពីច្រកកេរឹម ស្គាលូម (Kerem Shalom) ដែលគ្រប់គ្រងដោយអ៊ីស្រាអែលបានទេ ដោយសារភាពគ្មានច្បាប់ និងការភ័យស្លន់ស្លោក្នុងចំណោមប្រជាជនស្រេកឃ្លាននៅក្នុងតំបន់នេះ ទោះបីជាអ៊ីស្រាអែលផ្អាកសកម្មភាពយោធានៅពេលថ្ងៃក៏ដោយ។ អ្នកនាំពាក្យអង្គការសហប្រជាជាតិ លោក ហ្វាហាន ហាក (Farhan Haq) បាននិយាយថា អង្គការសហប្រជាជាតិបានស្វាគមន៍ចំពោះជំហាននេះ ប៉ុន្តែបានបន្ថែមថា «នេះមិនមានន័យថាជំនួយបន្ថែមទៀតដល់មនុស្សដែលត្រូវការនៅឡើយទេ»។ចាប់តាំងពីសង្គ្រាមអ៊ីស្រាអែល-ហាម៉ាស បានចាប់ផ្តើមជាងប្រាំបីខែមុនមក ជំនួយសម្រាប់ជនជាតិប៉ាឡេស្ទីន ២,៣ លាន
នាក់បានចូលជាចម្បងតាមរយៈច្រកពីរចូលទៅភាគខាងត្បូងហ្កាហ្សា គឺច្រកព្រំដែន រ៉ាហ្វា (Rafah) ពី អេហ្ស៊ីប និងច្រក កេរឹមស្គាលូម ពីអ៊ីស្រាអែល។ ប៉ុន្តែការចែកចាយត្រូវបានរំខាននៅពេលដែលអ៊ីស្រាអែល បានបង្កើនប្រតិបត្តិការយោធារបស់ខ្លួននៅក្នុងទីក្រុង រ៉ាហ្វា កាលពីខែមុន ជាមួយនឹងគោលបំណងកម្ចាត់អង្គភាពដែលនៅសេសសល់របស់ក្រុមហាម៉ាស៕

ដោយ៖ Puthinews

Youtube Channel: Puthi News

Telegram Channel: Puthi News

Puthinews Android app: Puthi New

អានបន្ត

spot_img