ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងលោកជំទាវ ជា ផល្គុន ព្រមទាំងថ្នាក់ដឹកនាំក្រសួង បានទទួលស្វាគមន៍ដំណើរមាតុភូមិនិវត្តន៍ របស់ប្អូនៗកីឡាករជាជនមានពិការភាពចំនួន ០៤រូប និងគ្រូបង្វឹកចំនួន ០២រូប

នាល្ងាចថ្ងៃ០៨ ខែវិច្ឆិកា ឆ្នាំ២០២៤ បានទទួលស្វាគមន៍ដំណើរមាតុភូមិនិវត្តន៍ របស់ប្អូនៗកីឡាករជាជនមានពិការភាពចំនួន ០៤រូប និងគ្រូបង្វឹកចំនួន ០២រូប ដឹកនាំដោយឯកឧត្តម អ៊ុង សម្បត្តិ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាសកម្មភាពជនពិការ ដែលបានបញ្ចប់ការប្រកួតទទួលបានមេដាយចំនួន ០៤គ្រឿង ក្នុងនោះមានមេដាយមាសចំនួន ០២គ្រឿង(កីឡាករ០១គ្រឿង និងគ្រូបង្វឹក០១គ្រឿង) និងមេដាយប្រាក់ចំនួន ០២គ្រឿង ពីការចូលរួមប្រកួតប្រជែងជាសាកលផ្នែកព័ត៌មានវិទ្យាសម្រាប់យុវជនមានពិការភាពឆ្នាំ២០២៤ នៅទីក្រុងម៉ានីឡា ប្រទេសហ្វីលីពីន ដែលប្រព្រឹត្តិទៅចាប់ពីថ្ងៃទី០៣-០៨ ខែវិច្ឆិកា ឆ្នាំ២០២៤។