កណ្តាល៖ ជនសង្ស័យម្នាក់ត្រូវបានសមត្ថកិច្ចប៉ុស្តិ៍នគរបាលសំបូរមាសឃាត់ខ្លួន ឯបក្ខពួកម្នាក់ទៀតរត់រួច ពាក់ព័ន្ធកណីធ្វើសកម្មភាពកាច់.ក ម៉ូតូ ហេតុការណ៍នេះកើតឡើងនៅថ្ងៃទី៣១ ខែឧសភា ឆ្នាំ២០២២ វេលាម៉ោង១២.៣០នាទី ចំណុចមុខផ្ទះជនរងគ្រោះ ភូមិអន្លង់ស្លែង ឃុំសំបួរមាស ស្រុកមុខកំពូល ខេត្តកណ្ដាល។
ជនរងគ្រោះឈ្មោះ សុខ នឿន ភេទស្រី អាយុ ៤០ឆ្នាំ ជនជាតិខ្មែរ មុខរបរ កសិករ មានទីលំនៅសព្វថ្ងៃភូមិអន្លង់ស្លែង ឃុំសំបួរមាស ស្រុកមុខកំពូល ខេត្តកណ្តាល។
ជនសង្ស័យ០២នាក់៖
១.ឈ្មោះ សេង សុភ័ក្រ្ត ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ
.មានទីលំនៅភូមិ២ សង្កាត់អូឡាំពិច ខណ្ឌ៧មករា រាជធានីភ្នំពេញ(ឃាត់ខ្លួន)
២.ឈ្មោះ ណាក់ ភេទប្រុស អាយុ ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅ សង្កាត់ផ្សារថ្មី រាជធានីភ្នំពេញ(គេចខ្លួន)។
វត្ថុតាងចាប់យក៖
១.ម៉ូតូម៉ាក់ហុងដាសេ១២៥ សេរី ឆ្នាំ២០២២ ពណ៏ខ្មៅ លេខតួលេខម៉ាស៊ីន ND125M6141891
ពាក់ស្លាកលេខ កណ្តាល 1AN- 0723(របស់ជនរងគ្រោះ)។
២.ទូរស័ព្ទចំនួន០២គ្រឿង៖ទូរស័ព្ទម៉ាកសាំសុងសេរីចាស់ពណ៏ខ្មៅ ចំនួន០១គ្រឿង និងទូរស័ព្ទម៉ាកណូគៀ ចុចពិលពណ៌ផ្កាឈូកគ្មានសំបកក្រោយចំនួន០១គ្រឿង។
សមត្ថកិច្ចឱ្យដឹងថានៅថ្ងៃកើតហេតុវេលាម៉ោង១១.០០នាទី ជនសង្ស័យទាំងពីរនាក់បានជិះម៉ូតូចេញពីផ្សារអូឡាំពិក គោលបំណងដើរលួចកាច់កម៉ូតូ ដោយជិះតាមផ្លូវជាតិលេខ៦ ហើយក៏ជិះចូលតាមផ្លូវកៅស៊ូពេលជិះទៅដល់កន្លែងកើតហេតុ នៅវេលាម៉ោង១២.៣០នាទី ក៍ឃើញម៉ូតូរបស់ជនរងគ្រោះទុកនៅក្រោមដើមអំពិលទឹកមុខផ្ទះ ដោយឃើញស្ងាត់ជនសង្ស័យបានឈប់ម៉ូតូ ហើយជនសង្ស័យឈ្មោះ ណាក់ បានចូលទៅធ្វើសកម្មភាពកាច់កម៉ូតូរបស់ជនរងគ្រោះ រួចជនសង្ស័យឈ្មោះ សេង សុភ័ក្រ្ត ក៏ចូលទៅជិះម៉ូតូរបស់ជនរងគ្រោះ ចំណែកជនសង្ស័យឈ្មោះ ណាក់ ក៍ជិះម៉ូតូរបស់ខ្លួនទៅមុនបាត់ដោយដោយប្រាប់ថាចាំជួបគ្នានៅផ្សារអូរឡាំពិក។
ភ្លាមនោះអ្នកភូមិនៅក្បែរផ្ទះជនរងគ្រោះឃើញបានស្រែកថា ចោរៗ ហើយជនរងគ្រោះបានចេញមកមើលឃើញបាត់ម៉ូតូក៏ទូរស័ព្ទរាយការណ៏ជូនសមត្ថកិច្ចប៉ុស្តិ៍នគរបាលរដ្ឋបាលសំបួរមាស ក្រោយពីទទួលព័ត៌មានសមត្ថកិច្ចប៉ុស្តិ៍បានចេញស្ទាក់ និងអ្នកភូមិបានជិះម៉ូតូដេញតាមហើយជនសង្ស័យឈ្មោះ សេង សុភ័ក្រ្ត បានជិះម៉ូតូជនរងគ្រោះបត់ត្រឡប់ក្រោយគេចចូលក្នុងព្រៃ រួចទុកម៉ូតូចោលហើយរត់ក៏ត្រូវបានសមត្ថិច្ចនិងប្រជាពលរដ្ឋឃាត់ខ្នួនបានយកមកធ្វើកាសួរ។
នៅចំពោះមុខសមត្ថកិច្ចជនសង្ស័យឈ្មោះ សេង សុភ័ក្ត្របានឆ្លើយសារភាពថាខ្លួននិងបក្សពួកឈ្មោះ ណាក់ ពិតជាបានធ្វើសកម្មភាពលួចកាច់កម៉ូតូរបស់ជនរងគ្រោះពិតប្រាកដមែន។
ចំពោះជនសង្ស័យឈ្មោះ សេង សុភ័ក្រ ត្រូវបានឃាត់ខ្លួនបណ្ដោះអាសន្ននៅអធិការដ្ឋាននគរបាលស្រុកមុខកំពូល។
ករណីនេះជំនាញនិងប៉ុស្តិ៍កំពុងកសាងសំណុំរឿងដើម្បីបន្តចាត់ការតាមនីតិវិធី។
ដោយ៖ Puthinews
