កាលពីថ្ងៃអង្គារបានកម្រាលព្រំក្រហមទទួលស្វាគមន៍ប្រធានាធិបតីរុស្ស៊ី លោក វ៉ាឌីមៀ ពូទីន ក្នុងដំណើរទស្សនកិច្ចផ្លូវរដ្ឋ ខណៈ បងធំអាម៉េរិក សហភាពអឺរ៉ុប និងអ៊ុយក្រែនរិះគន់រដ្ឋធានីអ៊ូឡង់ប៉ាទ័រចំពោះការបរាជ័យក្នុងការចាប់ខ្លួនមេដឹកនាំរុស្ស៊ីក្រោមដីកាពីតុលាការឧក្រិដ្ឋកម្មអន្តរជាតិថាជាការវាយប្រហារប្រឆាំងនឹងយុត្តិធម៌។នៅពេលគាត់ដើរចេញពីរថយន្តនៅក្នុងរដ្ឋធានីអ៊ូឡង់បាទ័រ លោក ពូទីន ត្រូវបានស្វាគមន៍ដោយសមភាគីម៉ុងហ្គោលី លោក អ៊ុកណាហ្មឺន ឃីរ៉ាលស៊ុក ។ លោក ពូទីន បានប្រាប់លោក ឃឺរ៉ាលស៊ុក ថា៖«ទំនាក់ទំនងជាមួយម៉ុងហ្គោលីគឺស្ថិតក្នុងចំណោមអាទិភាពនៃគោលនយោបាយការបរទេសរបស់យើងនៅអាស៊ី។ទំនាក់ទំនងប្រទេសទាំង២ត្រូវបាននាំយកទៅកម្រិតខ្ពស់នៃភាពជាដៃគូយុទ្ឋសាស្ត្រដ៏ទូលំទូលាយ»។ ដោយឡែក មេដឹកនាំម៉ុងហ្គោលីបាននិយាយថាលោកសង្ឃឹមថាដំណើរទស្សនកិច្ចនេះនឹងជំរុញកិច្ចសហប្រតិបត្តិការពាណិជ្ជកម្មនិងសេដ្ឋកិច្ចទ្វេភាគី។ដីកាចាប់ខ្លួនរបស់តុលាការឧក្រិដ្ឋកម្មអន្តរជាតិដែលបានចេញកាលពីឆ្នាំមុនប្រឆាំងនឹងលោក ពូទីន តម្រូវឱ្យប្រទេសសមាជិកទាំង ១២៤ របស់តុលាការ រួមទាំងម៉ុងហ្គោលី ចាប់ខ្លួនប្រធានាធិបតីរុស្ស៊ី ហើយផ្ទេរគាត់ទៅទីក្រុងឡាអេដើម្បីកាត់ទោស ប្រសិនបើគាត់មានវត្តមានលើទឹកដីរបស់ពួកគេ។ ប៉ុន្តែម៉ុងហ្គោលីមិនបានអនុវត្តតាមនោះទេ។
ដោយ៖ Puthinews
Youtube Channel: Puthi News
Telegram Channel: Puthi News
Puthinews Android app: Puthi New
