រដ្ឋមន្ត្រីការពារជាតិរុស្សី លោក Sergei Shoigu បាននិយាយនៅថ្ងៃពុធនេះថា រថយន្តរបស់អង្គការសន្ធិសញ្ញាអាត្លង់ទិកខាងជើង (NATO) ណាមួយ ដែលមកដល់អ៊ុយក្រែនជាមួយនឹងអាវុធ ឬការផ្គត់ផ្គង់ ដើម្បីបំពេញតម្រូវការរបស់កងកម្លាំងប្រដាប់អាវុធអ៊ុយក្រែន ត្រូវបានចាត់ទុកថាជា “គោលដៅស្របច្បាប់នៃការបំផ្លិចបំផ្លាញ”។ នេះបើយោងតាមការចេញផ្សាយដោយ សារព័ត៌មានស៊ីនហួរ នៅថ្ងៃពុធ ទី០៤ ខែឧសភា ឆ្នាំ២០២២។
លោក Shoigu បានធ្វើការកត់សម្គាល់បែបនេះ ក្នុងជំនួបជាមួយមន្ត្រីការពារជាតិជាន់ខ្ពស់របស់រុស្ស៊ី ដោយកត់សម្គាល់ថា សហរដ្ឋអាមេរិក និងសម្ព័ន្ធមិត្តរបស់អង្គការណាតូ នៅតែបន្តផ្គត់ផ្គង់អាវុធដល់អ៊ុយក្រែន។
លោករដ្ឋមន្ត្រីបាននិយាយថា ទាហានរុស្ស៊ី រួមជាមួយនឹងអ្នកនៅក្នុងតំបន់លូហាន់ (Luhansk) និងតំបន់ដូណេត ( Donetsk) កំពុងកាន់កាប់តំបន់ជាច្រើនទៀតនៅក្នុង Donbass ហើយពួកគេនឹងបន្តធ្វើការងាររបស់ពួកគេ។
លោកបាននិយាយថា ដើម្បីជម្លៀសជនស៊ីវិលចេញពីតំបន់សង្រ្គាមប្រកបដោយសុវត្ថិភាព ច្រករបៀងមនុស្សធម៌ត្រូវបានបើកជារៀងរាល់ថ្ងៃ ដោយបន្ថែមថា កងកម្លាំងប្រដាប់អាវុធរុស្ស៊ីកំពុងផ្តល់ជំនួយមនុស្សធម៌យ៉ាងសកម្មដល់ប្រជាជនដែលរស់នៅក្នុងទីក្រុង ដែលគ្រប់គ្រងដោយកម្លាំង៕
ដោយ៖ Puthinews
