29 C
Phnom Penh
Monday, February 6, 2023

រកឃើញកេសដែកដាក់លុយ៧កេស ពេលចុះរុះរើ អគារ កាស៊ីណូត្រូវភ្លើងឆេះ នៅក្រុងប៉ោយប៉ែត

ខេត្តបន្ទាយមានជ័យ៖ អគារកាស៊ីណូដែលត្រូវអគ្គីភ័យឆាបឆេះកាលពីចុងឆ្នាំ២០២២ នៅក្រុងបោយប៉ែតត្រូវបានក្រុមហ៊ុនម៉ៅការចុះរុះរើ រកឃើញកេសដែកដាក់ លុយ៧កេស កាលពីថ្ងៃទី២ ខែមករា ឆ្នាំ២០២៣។ ក្នុងប្រតិបត្តិការចុះរុះរើអគារកាស៊ីណូនេះក៏មានវត្តមានលោក លី សារី អភិបាលរងខេត្តនិងលោក ង៉ោ ម៉េងជ្រួន អភិបាលរងខេត្តបន្ទាយមានជ័យ ព្រមទាំងមេបញ្ជាការកងពលតូចថ្មើជើងលេខ៥១ និងក្រុមហ៊ុនម៉ៅការរុះរើ និង ម្ចាស់ក្រុមហ៊ុនកាស៊ីណូក៏បានចុះទៅពិនិត្យផ្ទាល់ផងដែរ។

តាមលោក ង៉ោ ម៉េងជ្រួន បានបញ្ជាក់ឱ្យដឹងថា ក្រោយពេលដែលអគ្គីភ័យឆាបឆេះអគារកាស៊ីណូអស់៤ អគារ និងខូចខាតទាំងស្រុងអស់៣អគារ ដែលក្នុងនោះមាន ២អគារជារបស់ក្រុមហ៊ុនកាស៊ីណូ ហ្ក្រេនដាយអឹមិន ស៊ីធី និង១អគារជារបស់ក្រុមហ៊ុនកាស៊ីណូប៉ោយប៉ែតរីសត ដែលក្រុមជំនាញរុករកសពរយះពេលជិត៤០ម៉ោងឃើញ សពចំនួន២៦នាក់ និងមានអ្នករបួសធ្ងន់ស្រាល ៥៧នាក់ កាលពីថ្ងៃទី២៩និង៣០ខែធ្នូ ឆ្នាំ២០២២។

នៅថ្ងៃទី២ ខែមករា ឆ្នាំ២០២៣នេះ ក្រុមម៉ៅការរុះរើអគារកស៊ីណូបានដំណើរការរុះរើជំហានដំបូងអគារកាស៊ីណូក្រុមហ៊ុនហ្ក្រេនដាយអឹមិនស៊ីធី នៅខាងជើងផ្លូវដែលបាក់ស្រុតទ្រេតប្រឈមគ្រោះថ្នាក់។

លោកអភិបាលរងខេត្តបានបញ្ជាក់ថា ក្រុមហ៊ុនម៉ៅការរុះរើត្រូវបានបែងចែកជា២ក្រុមមាន១ក្រុមផ្នែករុះរើអគារសំណង់អគ្គីភ័យឆាបឆេះនិង២ក្រុមដឹកជញ្ជូនកាក សំណល់អគ្គីភ័យឆាបឆេះសន្ទូចយោងចំនួន២គ្រឿងដែលសហការជាមួយម្ចាស់ក្រុមហ៊ុនកាស៊ីណូហ្ក្រេន ដាយអឹមិនស៊ីធី ហើយការរុះរើមិនទាន់បានកំណត់ការរួចរាល់នៅឡើយទេ។ ពេលនេះត្រូវបានបិតផ្លូវពីរង្វង់មូលចូលមកច្រកទ្វារប៉ោយប៉ែតដោយយកស័ង្កសីហ៊ុព័ទ្ធការពារសុវត្ថិភាព។

តាមព័ត៌មានបានដឹងថា ការចុះរុះរើនេះ បានត្រឹមតែរយះពេលកន្លះថ្ងៃ ក៏រកឃើញកេសដែកធំចំនួន៧កេសដែលដាក់លុយ និងទ្រព្យផ្សេងៗដែលជារបស់បុគ្គលជួលអគារកាស៊ីណូស្នាក់នៅរកស៊ីនៅផ្នែកខាងជើងផ្លូវ និងនៅអគារកាស៊ីណូខាងត្បូងផ្លូវរបស់ក្រុមហ៊ុនកាស៊ីណូហ្ក្រេនដាយអឹមិនស៊ីធីមិនទាន់បានរុះរើនៅឡើយ៕


ដោយ៖ Puthinews

Telegram Channel: Puthi News

Puthinews Android app: Puthi News

Youtube Channel: Puthi News

- Advertisement -spot_imgspot_img
- Advertisement -spot_imgspot_img

អានបន្ត

spot_img
spot_imgspot_img