ស្តាប់អត្ថបទជាសំឡេង
![](https://puthinews.com/wp-content/uploads/2021/10/photo_2021-10-25-11.34.45.jpeg)
ភ្នំពេញ៖ គម្រោង USAID ព្រៃឡង់បៃតង បានបង្ហាញថា បក្សីត្រសេះបៃតងក្បាលខ្មៅ អាចឡើងដើមឈើ និងចោះដើមឈើរឹងៗធ្វើជាប្រហោងសំបុក ដោយសារតែវាមានម្រាមជើងបួននៅលើជើងនីមួយៗ២លាតត្រង់ទៅមុខ និង២លាតត្រង់ទៅក្រោយ បានបង្កលក្ខណៈពិសេសជួយឱ្យពួកវាអាចតោង និងឡើងដើមឈើបានងាយស្រួល។
សត្វប្រភេទនេះចូលចិត្តតំបន់ដែលមានដើមឈើងាប់ៗ ហើយភាគច្រើនគឺនៅកន្លែងដែលឆេះ ឬលិចទឹកព្រោះវាមានដើមឈើងាប់ៗជាច្រើន។ ជម្រកធម្មជាតិរបស់វាគឺ ព្រៃត្រូពិច និងតំបន់ព្រៃទំនាបត្រូពិចសើម។ ពួកវាស្វែងរកសត្វល្អិត សត្វស្រមោចនិងសត្វឥតឆ្អឹងខ្នងដទៃទៀតដើម្បីធ្វើជាចំណី។
![](https://puthinews.com/wp-content/uploads/2021/10/photo_2021-10-25-11.34.46.jpeg)
![](https://puthinews.com/wp-content/uploads/2021/10/photo_2021-10-25-11.34.46.jpeg)
ត្រសេះបៃតងក្បាលខ្មៅ គឺជាបក្សីមានរោមពណ៌ស្អាត មានទំហំមធ្យម ប្រវែង២៣ ស.ម. មានស្លាបប្រវែង ៤០ ទៅ ៤២ ស.ម. មានទម្ងន់ពី ៦១ ទៅ ៨៨ ក្រាម។ វាមានស្លាបបើកធំ និងកន្ទុយប្រវែងមធ្យម។ ការហោះហើររបស់សត្វនេះជាធម្មតាមានគោលដៅច្បាស់លាស់ និងរហ័សដែលមិនមានការបត់បែន។
![](https://puthinews.com/wp-content/uploads/2021/10/photo_2021-10-25-11.34.48.jpeg)
![](https://puthinews.com/wp-content/uploads/2021/10/photo_2021-10-25-11.34.48.jpeg)
បច្ចុប្បន្នគម្រោង USAID ព្រៃឡង់បៃតង កំពុងធ្វើការអភិរក្សបក្សីកម្រនេះ និងសត្វផ្សេងទៀតដោយសហការជាមួយប្រជាសហគមន៍និងភាគីពាក់ពន្ធ័ ដើម្បីធ្វើឱ្យប្រសើរឡើងនូវជីវៈចម្រុះ និងប្រព័ន្ធអេកូឡូស៊ីយ៉ាងសម្បូរបែបនៅតំបន់ទេសភាពព្រៃឡង់ និងតំបន់ជុំវិញ៕
![](https://puthinews.com/wp-content/uploads/2021/10/photo_2021-10-25-11.34.49.jpeg)
![](https://puthinews.com/wp-content/uploads/2021/10/photo_2021-10-25-11.34.49.jpeg)
អត្ថបទ និងរូបភាពដោយ៖ Puthinews
Join Telegram group: ឯកសារចំណេះដឹងសាធារណៈជន