ខេត្តកំពង់ឆ្នាំង៖ ដោយសារភ្លើងប្រច័ណ្ឌបុរសជាប្ដីបានកាប់ប្រពន្ធជាច្រើនកាំបិតបណ្ដាលឱ្យស្លាប់ក្នុងថ្លុកឈាម រួចក៏ទៅចងករសម្លាប់ខ្លួន នៅក្នុងផ្ទះបាយ។ហេតុការណ៍នេះបានកើតឡើងនៅវេលាម៉ោង ០២រំលងអធ្រាត ឈានចូលថ្ងៃទី០៥ ខែតុលា ឆ្នាំ២០២៣ នៅភូមិបឹងលាច ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង។
![](https://puthinews.com/wp-content/uploads/2023/10/photo_2023-10-06-19.03.36-1024x768.jpeg)
តាមប្រភពពីកន្លែងកើតហេតុបានឱ្យដឹងថាស្ត្រីរងគ្រោះជាប្រពន្ធឈ្មោះ កែវ ស្រីអូន អាយុ៣២ឆ្នាំ ប្ដីឈ្មោះ លី សារិន អាយុ៣៤ឆ្នាំ មានមុខរបររកស៊ីកាប់គោលក់ ពួកគេមានកូនចំនួន២នាក់ និងមានទីលំនៅភូមិឃុំកន្លែងកើតហេតុខាងលើ។
![](https://puthinews.com/wp-content/uploads/2023/10/photo_2023-10-06-19.03.50-1024x768.jpeg)
![](https://puthinews.com/wp-content/uploads/2023/10/photo_2023-10-06-19.03.50-1024x768.jpeg)
ប្រភពដដែលបានបន្តថានៅមុនពេលកើតហេតុ កាលពីព្រលប់ថ្ងៃទី០៤ ខែតុលា ប្ដីប្រពន្ធទាំងពីរនាក់បានទាស់គ្នាជាខ្លាំងជាខ្លាំងម្ដងហើយ ក្រោយមកក៏មានការសម្របសម្រួលពីបងប្អូនក៏ស្ងប់ទៅវិញ ហើយក៏នាំគ្នាចូលដេករៀងៗខ្លួន ។ ស្រាប់តែវេលាម៉ោង២រំលងអាធ្រាតឈានចូលថ្ងៃទី០៥ ខែតុលា បុរសជាប្ដីបាន យកកាំបិតកាប់ប្រពន្ធចំកញ្ចឹងក ចំស្មា និងកន្លែងផ្សេងទៀត បណ្ដាលឱ្យស្លាប់ក្នុងក្លឹបឈាម បន្ទាប់មកបុរសជាប្ដី បានទៅផ្ទះបាយចង កសម្លាប់ខ្លួនតែម្ដង។ នៅក្នុងហេតុការណ៍នោះ កូនប្រុសអាយុ៩ឆ្នាំ ឃើញឃើញសកម្មភាពដ៏ឃោរឃៅនេះក៏រត់ទៅប្រាប់ជីតាហើយក៏មានការភ្ញាក់ផ្អើលឡើង។
![](https://puthinews.com/wp-content/uploads/2023/10/photo_2023-10-06-19.03.53-1024x768.jpeg)
![](https://puthinews.com/wp-content/uploads/2023/10/photo_2023-10-06-19.03.53-1024x768.jpeg)
ប្រភពពីប្រជាពលរដ្ឋក្បែរខាងបានឲ្យដឹងថា គ្រួសារពីរនាក់ប្ដីប្រពន្ធតែងទាស់គ្នាជារឿយៗដោយសារប្ដីប្រចាំប្រពន្ធ។
នៅព្រឹកថ្ងៃទី០៥ ខែតុលានេះ ដែរសមត្ថកិច្ចនគរបាលបច្ចេកទេសបានទៅធ្វើកោសលវិច្ច័យ និងប្រគល់សព ទាំងពីរនាក់ប្ដីប្រពន្ធ ទៅក្រុមគ្រួសារដើម្បីធ្វើបុណ្យតាមប្រពៃណី៕
ដោយ៖ Puthinews
Youtube Channel: Puthi News
Telegram Channel: Puthi News
Puthinews Android app: Puthi News