ស្តាប់អត្ថបទជាសម្លេង
ភ្នំពេញ៖ ព្រះរាជអាជ្ញារងអមសាលាដំបូងរាជធានីភ្នំពេញលោក ឆាយ ហុង បានសម្រេចចោទប្រកាន់លើមន្ដ្រីនគរបាលខណ្ឌ៧មករា ដែលវាយនារីល្មើសច្បាប់ចរាចរណ៍បែកក្បាលពីបទ ហិង្សាដោយចេតនាមានស្ថានទម្ងន់ទោស ខណៈអ្នកបើកម៉ូតូ ត្រូវបានចោទប្រកាន់ពីបទ បដិសេធមិនស្តាប់បង្គាប់បញ្ជា។ ការចោទប្រកាន់បុគ្គលទាំងពីរនាក់នេះ បានធ្វើឡើងនៅល្ងាចថ្ងៃទី១០ ខែកញ្ញា ឆ្នាំ២០២១។
ក្នុងករណីនេះ មន្ដ្រីនគរបាលដែលវាយនារីម្នាក់ដោយអាយកូម បណ្តាលឱ្យបែកក្បាលនោះ ត្រូបានបញ្ជូនទៅកាន់សាលាដំបូងរាជធានីភ្នំពេញហើយ ដើម្បីចាត់ការតាមនីតិវិធី កាលពីព្រឹកថ្ងៃទី១០ ខែកញ្ញា ឆ្នាំ២០២១ ខណៈដែលនារីរងគ្រោះប្តឹងទាមទារសំណង១០ ០០០ដុល្លារ ដោយបានចាត់ទុកទង្វើនោះថា បានប៉ះពាល់ដល់អនាគតរបស់នាង។
![](https://puthinews.com/wp-content/uploads/2021/09/photo_2021-09-11-09.08.24.jpeg)
សូមបញ្ជាក់ថា នារីរងគ្រោះមានឈ្មោះ ងន ស្រីនិច អាយុ២២ឆ្នាំ និងអ្នកឌុបជាប្អូនប្រុសឈ្មោះ ងន សិលា អាយុ១៨ឆ្នាំ។ ចំណែកមន្ត្រីនគរបាលដែលបង្កហិង្សា មានឈ្មោះ ម៉ាត់ ពិសី។ ករណីហិង្សានេះ បានកើតឡើងនៅវេលាម៉ោងប្រមាណ៨:២០នាទីយប់ថ្ងៃទី៨ ខែកញ្ញា ឆ្នាំ២០២១ ដោយជនរងគ្រោះពីរនាក់បងប្អូន បានជិះម៉ូតូដោយមិនពាក់មួកសុវត្ថិភាព ពេលជិះដល់គោលដៅត្រួតពិនិត្យ ក៏ព្យាយាមជិះបកក្រោយវិញ ហើយក៏ត្រូវមន្ត្រីនគរបាលយកអាយកូមវាយ បណ្តាលឱ្យត្រូវស្ត្រីជិះខាងក្រោយបែកក្បាល និងធ្លាក់ពីលើម៉ូតូរងរបួសធ្ងន់៕
![](https://puthinews.com/wp-content/uploads/2021/09/photo_2021-09-11-09.08.26-473x1024.jpeg)
![](https://puthinews.com/wp-content/uploads/2021/09/photo_2021-09-11-09.08.26-473x1024.jpeg)
![](https://puthinews.com/wp-content/uploads/2021/09/photo_2021-09-11-09.08.21.jpeg)
![](https://puthinews.com/wp-content/uploads/2021/09/photo_2021-09-11-09.08.21.jpeg)
![](https://puthinews.com/wp-content/uploads/2021/09/photo_2021-09-11-09.08.30-473x1024.jpeg)
![](https://puthinews.com/wp-content/uploads/2021/09/photo_2021-09-11-09.08.30-473x1024.jpeg)
អត្ថបទ និងរូបភាពដោយ៖ Puthi News