27 C
Phnom Penh
Monday, July 15, 2024

ប្រធានក្រុមប្រឹក្សាខេត្ត និងអភិបាលខេត្តបន្ទាយមានជ័យ ធ្វើពិធីក្រុងពលីបួងសួងសុំសេចក្តីសុខ នៅរង្វង់មូលព្រះវិស្ណុ ច្រកទ្វារព្រំដែនអន្តរជាតិប៉ោយប៉ែត

បន្ទាយមានជ័យ៖ អាជ្ញាធរធ្វើពិធីក្រុងពលីបួងសួងសុំសេចក្តីសុខ នៅរង្វង់មូលព្រះវិស្ណុ ច្រកទ្វារព្រំដែនអន្តរជាតិប៉ោយប៉ែត នៅព្រឹកថ្ងៃទី០៣ ខែមីនា ឆ្នាំ២០២៣ នៅសង្កាត់អូរជ្រៅ ក្រុងប៉ោយប៉ែត។

ពិធីក្រុងពលីបួងសួងសុំសេចក្តីសុខ សេចក្តីចម្រើននៅរង្វង់មូលព្រះវិស្ណុ ក្រុងប៉ោយប៉ែត មានវត្តមានឯកឧត្តម ខេង ស៊ុ ប្រធានក្រុមប្រឹក្សាខេត្តបន្ទាយមានជ័យ ឯកឧត្តម អ៊ុ រាត្រី អភិបាលខេត្តបន្ទាយមានជ័យ លោក គាត់ហ៊ុលអភិបាលក្រុងប៉ោយប៉ែត រួមទាំងសមត្ថកិច្ចអាជ្ញាធរជុំវិញច្រកទ្វារព្រំដែនជាច្រើនរូបទៀត។

លោក គាត ហ៊ុល អភិបាលក្រុងប៉ោយប៉ែតបានប្រាប់ឲ្យដឹងថា៖ រង្វង់មូលប៉ោយប៉ែតនៅមុខច្រកទ្វារអន្តរជាតិប៉ោយប៉ែតដែលដាក់រូបសំណាក់ព្រះវិស្ណុត្រូវបានកសាងជិតរួចរាល់ហើយ គ្រោងបញ្ចប់នៅដើមឆ្នាំ២០២៣។ ចំពោះថវិកាដែលគម្រោងមានចំនួន១៩៥,០០០ដុល្លារ (មួយសែនប្រាំបួនម៉ឺនប្រាំពាន់ដុល្លារ) ដែលអំណោយរដ្ឋបាលក្រុងប៉ោយប៉ែត និងសប្បុរសជនក្រុងប៉ោយប៉ែត។
លោកអភិបាលបានបញ្ជាក់ថា៖ កាលពីមុនរង្វង់មូលប៉ោយប៉ែតនៅមុខច្រកទ្វារព្រំដែនអន្តរជាតិប៉ោយប៉ែតត្រូវកសាងដាក់រូបសំណាក់ព្រះនរាយដោយស្ថានភាពរង្វង់មូលតូចចង្អៀតត្រូវកសាងថ្មីដោយដាក់រូបសំណាក់ព្រះវិស្ណុ រឺរូបសំណាក់ដៃប្រាំបីដែលកសាងដោយថ្មភ្នំយកពីខេត្តសៀមរាប។ រូបមានកម្ពស់៨ម៉ែត្រ និងទំហំរង្វង់មូលមានអង្កត់ផ្ចិតប្រហែល២០ម៉ែត្រ។ មានសួនច្បារ និងកន្លែងអង្គុយលេងកំសាន្តមានដាំផ្កា និងស្មៅដើមឈើដែលមានផ្លូវដែកកាត់ចំកណ្តាលសួនជាប់ខាងជើងរូបសំណាក់។

គួរបញ្ជាក់ផងដែរថា៖ នៅចុងឆ្នាំ២០២២ និងដើមឆ្នាំ២០២៣នេះ បន្ទាប់រដ្ឋបាលក្រុងចាប់ផ្តើមដាក់តំកល់រូបសំណាក់ ព្រះវិស្ណុនៅរង្វង់មូលក្រុងប៉ោយប៉ែត ឃើញថា មានករណីកើតមាន ហេតុការណ៍អគ្គីភ័យឆាបឆេះ ញឹកញាប់មានជាច្រើនករណី ដូចជា ភ្លើងឆេះកាស៊ីណូ ឆេះផ្ទះ ឆេះឃ្លាំង ឆេះព្រៃ និងទីលានចាក់សំរាមផ្សេងៗ ដែលប្រជាពលរដ្ឋមានជំនឿថា នេះដោយសារតែបរមីព្រះវិស្ណុ សូមឲ្យអាជ្ញាធរធ្វើពិធីបួងសួងសុំសេចក្តីសុខ សេចក្តីចំរើន តែនេះគ្រាន់តែជាជំនឿរបស់ប្រជាពលរដ្ឋដែលមានជំនឿមួយចំនួនបានលើកឡើងប៉ុណ្ណោះ។ តែករណីដែលបានឆាបឆេះ អគារកាស៊ីណូ, ឆេះផ្ទះ និងឆេះព្រៃកន្លងមក គឺ បណ្តាលមកពីឆ្លងចរន្តអគ្គីសនី និងមានអ្នកដុតព្រៃតែប៉ុណ្ណោះ៕

ដោយ៖ Puthinews

Telegram Channel: Puthi News

Puthinews Android app: Puthi News

Youtube Channel: Puthi News

អានបន្ត

spot_img