ស្តាប់អត្ថបទជាសំឡេង
![](https://puthinews.com/wp-content/uploads/2021/09/photo_2021-09-29_05-50-10-1024x576.jpg)
ខេត្តព្រះសីហនុ៖ លោក ម៉ាង ស៊ីណេត អភិបាលរងខេត្តព្រះសីហនុ បានលើកឡើងថា នៅខែវិច្ឆិកាខាងមុខរាជរដ្ឋាភិបាលគ្រោងនឹងបើកទេសចរក្នុងស្រុក និងឈានទៅ បើកទេសចរអាស៊ាន និងទេសចរអឺរ៉ុបឡើងវិញ។ ដូច្នេះត្រូវមានការចូលរួម ពីប្រតិបត្តិករទេសចរណ៍ អនុវត្តវិធានស្តង់ដារ (SOP) ដើម្បីបើកដំណើរការទេសចរណ៍ឡើងវិញឆ្នាំ២០២២ខាងមុខ។
![](https://puthinews.com/wp-content/uploads/2021/09/photo_2021-09-29_05-50-15-1024x576.jpg)
![](https://puthinews.com/wp-content/uploads/2021/09/photo_2021-09-29_05-50-15-1024x576.jpg)
ការថ្លែងនេះក្នុងកិច្ចប្រជុំផ្សព្វផ្សាយពីវិធានការសុវត្ថិភាព និងនីតិវិធីប្រតិបត្តិស្តង់ដារអប្បរមា(SOP) សម្រាប់អាជីវកម្មទេសចរណ៍នៅខេត្តព្រះសីហនុ នាព្រឹកថ្ងៃទី២៨ ខែកញ្ញា ឆ្នាំ ២០២១។
លោកបានបន្តថា វិស័យទេសចរណ៍ គឺជាវិស័យអាទិភាពដ៏សំខាន់មួយ ក្នុងចំណោមវិស័យធំៗជាច្រើន ដែលរាជរដ្ឋាភិបាលកម្ពុជា បានចាត់ទុកវិស័យទេសចរណ៍ជាមាសបៃតង និងជាវិស័យអាទិភាពក្នុងការជំរុញ និងអភិវឌ្ឍសង្គម សេដ្ឋកិច្ចតាមរយៈបង្កើនការងារ ការវិនិយោគកាត់បន្ថយភាពក្រីក្រ ការទ្រទ្រង់អភិវឌ្ឍន៍ហេដ្ឋារចនាសម្ព័ន្ធពាក់ព័ន្ធ ការចូលរួមការពារអភិរក្សសម្បត្តិវប្បធម៌ និងធនធានធម្មជាតិ។ ជាមួយគ្នានេះលោកក៏បានអំពាវនាវដល់អស់លោក លោកស្រី ជាប្រតិបត្តិករទេសចរណ៍ តាមរមនីយដ្ឋានទេសចរណ៍នានា រៀបចំកែលម្អអនាម័យ បរិស្ថាន ពិសេសការអនុវត្តស្តង់ដារ (SOP) ដើម្បីត្រៀមបើកទេសចរណ៍ និងសេដ្ឋកិច្ចឡើងវិញ។
![](https://puthinews.com/wp-content/uploads/2021/09/photo_2021-09-29_05-50-23-1024x576.jpg)
![](https://puthinews.com/wp-content/uploads/2021/09/photo_2021-09-29_05-50-23-1024x576.jpg)
ក្នុងឱកាសនេះ លោក គឹម សេរីរដ្ឋ ប្រធាននាយកដ្ឋាន សេវាស្នាក់នៅទេសចរណ៍ បានឱ្យដឹងថា ការបើកផ្សព្វផ្សាយ វិធានសុវត្ថិភាព និងនីតិវិធីប្រតិបត្តិស្តង់ដាអប្បរមា (SOP) ជូនចំពោះអាជ្ញាធរ និងប្រតិបត្តិករទេសចរណ៍ ដើម្បីជំរុញឱ្យវិស័យទេសចរណ៍អាចដំណើរការបាន ក៏ដូចជាការជួយផ្តល់ការងារ និងប្រាក់ចំណូលដល់ប្រជាពលរដ្ឋ និងវិធានការទប់ស្កាត់ការរាលដាលនៃជំងឺកូវីដ-១៩ ត្រូវអនុវត្ត ឱ្យបានម៉ឺងម៉ាត់នូវវិធានការរបស់ក្រសួងសុខាភិបាល និងអនុសាសន៍ដ៏ខ្ពង់ខ្ពស់ របស់ប្រមុខរាជរដ្ឋាភិបាលកម្ពុជាគឺ ៣កុំ ៣ ការពារ វិធានសុវត្ថិភាពទេសចរណ៍ និងពីគ្រប់ភាគីពាក់ព័ន្ធ ពិសេសវិស័យឯកជន និងប្រជាពលរដ្ឋផ្ទាល់៕
![](https://puthinews.com/wp-content/uploads/2021/09/photo_2021-09-29_05-50-19-1024x576.jpg)
![](https://puthinews.com/wp-content/uploads/2021/09/photo_2021-09-29_05-50-19-1024x576.jpg)
![](https://puthinews.com/wp-content/uploads/2021/09/photo_2021-09-29_05-50-27-1024x576.jpg)
![](https://puthinews.com/wp-content/uploads/2021/09/photo_2021-09-29_05-50-27-1024x576.jpg)
![](https://puthinews.com/wp-content/uploads/2021/09/photo_2021-09-29_05-50-52-1024x576.jpg)
![](https://puthinews.com/wp-content/uploads/2021/09/photo_2021-09-29_05-50-52-1024x576.jpg)
អត្ថបទ និងរូបភាពដោយ៖ Puthinews