ស្តាប់អត្ថបទជាសំឡេង
![](https://puthinews.com/wp-content/uploads/2021/10/photo_2021-10-12-10.17.04-1024x646.jpeg)
កំពង់ឆ្នាំង៖ ក្រោយពីអាជ្ញាធរសម្រេចបើកឱ្យដំណើរការឡើងវិញ ចំពោះរមណីយដ្ឋានធម្មជាតិនានា ក្នុងខេត្តកំពង់ឆ្នាំង គេសង្កេតឃើញមានភ្ញៀវទេសចរជាច្រើន ទាំងក្នុងខេត្ត និងមកពីក្រៅខេត្ត បាននាំគ្នាមកលេងកម្សាន្ត ក្នុងនោះរមណីយដ្ឋានធម្មជាតិ ទឹកធ្លាក់ថ្មក្រាល ស្ថិតក្នុងឃុំជៀប ស្រុកទឹកផុស មានភ្ញៀវទេសចរមកលេងច្រើនជាងគេ។
![](https://puthinews.com/wp-content/uploads/2021/10/photo_2021-10-12-10.17.05-1024x639.jpeg)
![](https://puthinews.com/wp-content/uploads/2021/10/photo_2021-10-12-10.17.05-1024x639.jpeg)
លោក សេង សាលី ប្រធានមន្ទីរទេសចរណ៍ ខេត្តកំពង់ឆ្នាំង បានឱ្យដឹងថា ក្រោយពីបើកដំណើរការឡើងវិញ ចំពោះរមណីយដ្ឋានធម្មជាតិ នៅក្នុងខេត្តកំពង់ឆ្នាំង មានភ្ញៀវទេសចរ មកលេងច្រើន មានទាំងភ្ញៀវក្នុងខេត្ត និងមកពីក្រៅខេត្ត ប៉ុន្តែសម្រាប់ភ្ញៀវបរទេសមិនមាននោះទេ។
![](https://puthinews.com/wp-content/uploads/2021/10/photo_2021-10-12-10.17.07.jpeg)
![](https://puthinews.com/wp-content/uploads/2021/10/photo_2021-10-12-10.17.07.jpeg)
លោកបានឱ្យដឹងថា ក្រោយពីបើកដំណើរការឡើងវិញ នៅថ្ងៃឈប់សម្រាកចុងសប្តាហ៍កន្លងទៅនេះ មានភ្ញៀវទេសមកលេងនៅតាមរមណីដ្ឋាននានាក្នុងខេត្តកំពង់ឆ្នាំង ចំនួន១៣. ៥០៤នាក់។ ក្នុងនោះរមណីយដ្ឋានធម្មជាតិទឹកធ្លាក់ថ្មក្រាល មានភ្ញៀវទេសចរ មកលេងច្រើនជាងគេ។
![](https://puthinews.com/wp-content/uploads/2021/10/photo_2021-10-12-10.17.08-1024x724.jpeg)
![](https://puthinews.com/wp-content/uploads/2021/10/photo_2021-10-12-10.17.08-1024x724.jpeg)
លោកបានដឹងទៀតថា នៅតាមតំបន់ទេសចរណ៍នីមួយៗ រៀបចំបានត្រឹមត្រូវតាមការណែនាំរបស់ក្រសួងទេសចរណ៍ និងក្រសួងសុខាភិបាល។ លោកក៏បានអំពាវនាវផងដែរ ដល់ភ្ញៀវទេសចរ ដែលមកលេងកម្សាន្តនៅតាមតំបន់ទេសចរណ៍នានាក្នុងខេត្តកំពង់ឆ្នាំង ត្រូវចូលរួមអនុវត្តឱ្យបានត្រឹមត្រូវតាមការណែនាំរបស់ក្រសួងសុខាភិបាល ជាពិសេស គឺ ៣កុំ និង ៣ការពារ ឱ្យបានខ្ជាប់ខ្ជួន៕
![](https://puthinews.com/wp-content/uploads/2021/10/photo_2021-10-12-10.17.10-1024x696.jpeg)
![](https://puthinews.com/wp-content/uploads/2021/10/photo_2021-10-12-10.17.10-1024x696.jpeg)
![](https://puthinews.com/wp-content/uploads/2021/10/photo_2021-10-12-10.17.11-1024x686.jpeg)
![](https://puthinews.com/wp-content/uploads/2021/10/photo_2021-10-12-10.17.11-1024x686.jpeg)
អត្ថបទ និងរូបភាពដោយ៖ Puthinews