រថយន្តសេរីទំនើប The New Range Rover បានបង្ហាញខ្លួនជាផ្លូវការក្នុងប្រទេសកម្ពុជា ក្នុងកម្មវិធី The New Range Rover កាលពីថ្ងៃទី៣០ ខែកញ្ញា ឆ្នាំ២០២២ កន្លងទៅ។
កម្មវិធីសម្ភោធរថយន្តម៉ូឌែលថ្មីសន្លាង The New Range Rover នេះ ត្រូវបានប្រាព្ធឡើងដោយក្រុមហ៊ុន Jaguar Land Rover Cambodia នៅ The Priemier Sen Sok Centre ក្រោមក្រសែភ្នែក ភ្ញៀវកិត្តិយសប្រមាណជាង 3០០នាក់។
នាយកផ្នែកលក់នៃក្រុមហ៊ុន Jaguar Land Rover Cambodia លោក ហុង ឌីណា លើកឡើងថា « នេះជាលើកទីមួយហើយដែលក្រុមហ៊ុន Range Rover ដាក់បង្ហាញរថយន្តម៉ូឌែលថ្មីសន្លាងដែលមានបច្ចេកវិទ្យាទំនើប All Wheel Steering ដែលអាចឱ្យលោកអ្នកបត់ចង្កូតដោយប្រើរង្វង់ផ្លូវតិចបំផុត»។
លោក បន្តថា « The New Range Rover ជារថយន្តដែលមានរូបរាងសាមញ្ញតែទាក់ទាញប្រណិតតែមិនឆើតឆាយថ្លៃថ្នូនិងទំនើបបំផុតដែលបំពេញនូវតម្រូវការជូនអ្នកប្រើប្រាស់គ្រប់វ័យ»។
ជាមួយគ្នានេះ នាយកប្រតិបត្តិ ក្រុមហ៊ុន RMA Cambodia លោក ងន សាំង បានលើកទឹកចិត្តឱ្យអតិថិជនធ្វើការបញ្ជាទិញរថយន្តពីក្រុមហ៊ុននាំចូលរថយន្តផ្លូវការ និងមានប្រភពច្បាស់លាស់ ដើម្បីទទួលបានរថយន្ត ដែលមានគុណភាពល្អពេញលេញ។
« ការជាវរថយន្តពីក្រុមហ៊ុនដែលមានការនាំចូលផ្លូវការអាចធានានូវគុណភាពរបស់រថយន្តជាពិសេសនោះគឺកម្លាំងម៉ាសុីនដែលខុសពីការនាំចូលរថយន្តពីក្រុមហ៊ុនមិនផ្លូវការដែលធ្វើឱ្យបាត់បង់គុណភាពនៃរថយន្តនិងប៉ះពាល់ដល់បទពិសោធន៏បើកបររបស់លោកអ្នក»។
គួបញ្ជាក់ថា Jaguar Land Rover Cambodia ស្ថិតនៅក្រោមក្រុមហ៊ុន អ អិម អេ ខេមបូឌា (RMA Cambodia) ដែលជាក្រុមហ៊ុននាំចូល និងចែកចាយ ផ្តាច់មុខនូវរថយន្តម៉ាក Jaguar និង Land Rover ពីចក្រភពអង់គ្លេសដោយផ្ទាល់។ Jaguar Land Rover Cambodia មានទីតាំងស្ថិតនៅ តាមបណ្តោយមហាវិថី សហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ព័ត៌មានបន្ថែមអំពីរថយន្ត៖ https://www.landrovercambodia.com/vehicles/new-range-rover/overview
