កាលពីពេលថ្មីៗនេះ វិទ្យាស្ថានស្តង់ដារកម្ពុជា នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានទទួលស្គាល់ក្រុមហ៊ុន RMA CAMBODIA PLC. ជាក្រុមហ៊ុននាំចូលនូវរថយន្តដែលមាន ស្តង់ដារសុវត្ថិភាព យានយន្តកម្រិតខ្ពស់មកកម្ពុជា។ បច្ចុប្បន្ននេះ ក្រុមហ៊ុនបានកំពុងធ្វើការនាំចូល និងចែកចាយផ្ដាច់មុខនូវ រថយន្តថ្មីម៉ាកល្បីៗរួមមានមាន FORD, JAGUAR, LAND ROVER, និង CHANGAN មកកាន់ទីផ្សារកម្ពុជា។ សូមគូសបញ្ជាក់ផងដែរថា ក្រុមហ៊ុន RMA CAMBODIA ជាក្រុមហ៊ុនដំបូងគេបំផុតដែលទទួលបាន ការទទួលស្គាល់ពី វិទ្យាស្ថានស្តង់ដារកម្ពុជា ក្នុងការអនុវត្តស្តង់ដារសុវត្ថិភាពយានយន្តបានកម្រិតខ្ពស់ ដោយការទទួលស្គាល់នូវកម្រិត អនុលោមភាពខ្ពស់នេះ បានធ្វើឡើងបន្ទាប់ពីក្រុមហ៊ុនបានអនុវត្តច្បាប់ និងលិខិតបទដ្ឋានបច្ចេកទេស យានយន្តផ្សេងៗទៀតរបស់រាជរដ្ឋាភិបាលបានយ៉ាងខ្ជាប់ខ្ជួន និងប្រកបដោយប្រសិទ្ធិភាពខ្ពស់។
វិទ្យាស្ថានស្តង់ដារកម្ពុជា បានប្រគល់លិខិតសរសើរជូន ក្រុមហ៊ុន RMA CAMBODIA បន្ទាប់ពីបាន ចុះពិនិត្យមើលដំណើរការនៃការត្រៀមដំឡើងរថយន្ត FORD នៅខេត្តពោធិ៍សាត់ កាលពីថ្ងៃទី២៤ ខែមីនា ឆ្នាំ២០២២ កន្លងទៅនេះ។ លិខិតសរសើរនេះបានបញ្ជាក់ឱ្យដឹងថា ក្រុមហ៊ុន អ អិម អេ (ខេមបូឌា) ម.ក ត្រូវបានទទួលស្គាល់ថា បានចូលរួមអនុវត្តស្តង់ដារជាតិ និងបទប្បញ្ញតិ្តបច្ចេកទេសល្អប្រសើរ រួមទាំងការ អនុលោមតាមស្តង់ដារ សុវត្តិភាពបានកម្រិតខ្ពស់សម្រាប់ផលិតផលយានយន្ត និងផ្នែកបង្គុំយានយន្ត។
ក្រុមហ៊ុន RMA CAMBODIA នឹងបន្តចូលរួមខិតខំអនុវត្តស្តង់ដារជាតិ និងបទប្បញ្ញតិ្តបច្ចេកទេសយានយន្តនានា ដែលបានដាក់ចេញដោយរាជរដ្ឋាភិបាល ដើម្បីធានាឱ្យបាននូវស្តង់ដារ និងសុវត្ថិភាពខ្ពស់ដល់អ្នកប្រើប្រាស់។
