លោក ខៀវ កាញារិទ្ធ ស្នេីអាជ្ញាធរឆ្លេីយ តបឱ្យបានរហ័សចំពោះករណីជនបង្កបើកបរទាំងស្រវឹងលើសល្បឿនកំណត់បុកមួយគ្រួសារ

(ភ្នំពេញ)÷ លោកខៀវ កាញ្ញារិទ្ធ រដ្ឋមន្រ្តីក្រសួងព័ត៌មានស្នេីអាជ្ញាធរឆ្លេីយតបឱ្យបានរហ័សចំពោះករណីជនបង្កបើកបរទាំងស្រវឹងលើស ល្បឿនកំណត់បុកមួយគ្រួសារដែលមានកូនតូច ហេីយព្យាយាមរត់គេចនៅលេីស្ពានជ្រោយចង្វា នៅព្រឹកថ្ងៃទី០៦ ខែធ្នូ ឆ្នាំ២០២២។

រដ្ឋមន្រ្តីក្រសួងព័ត៌មានបានបង្ហោះសារដូច្នេះ ក្រោយពេលបុគ្គលល្បីៗជាច្រើន បានចែករំលែកពីករណីគ្រោះថ្នាក់ចររាណ៍នេះ ដោយចាត់ទុកជារឿងអយុត្តិធម៌ក្នុងសង្គម ។

ប្ដីប្រពន្ធព្រមទាំងកូនតូចមួយសង្ស័យប្រហែលទើបតែចេញពីមន្ទីរពេទ្យបានធ្វើដំណើរតាមកាត់ស្ពានជ្រោយចង្វាស្រាប់តែ មានរថយន្តស៊េរីទំនើបមួយគ្រឿង បើកស្របទិសគ្នាជាមួយនឹងម៉ូតូតាមកាត់ស្ពានជ្រោយចង្វារក្នុងទិសដៅពីលិចមកកើតស្រាប់តែមកដល់ចំណុចនឹងចុងគល់ស្ពានជ្រោយចង្វារត្រូវបានបុកម៉ូតូពីខាងក្រោយយ៉ាងពេញទំហឹង បណ្ដាលឲ្យម៉ូតូ និងមនុស្សមានឪពុកម្តាយ និងកូនផ្លោងមកជាមួយគ្នាប្រហែលជាង ១០០ ម៉ែត្រ។