ក្រុមហ៊ុនចិនគ្រោងបោះទុនជាង ៣០០លានដុល្លារអាមេរិក ដើម្បីសាងសង់រោងចក្រផលិតសំបកកង់ធំជាងគេនៅតំបន់សេដ្ឋកិច្ចពិសេសក្រុងព្រះសីហនុ (SSEZ) ក្នុងខេត្តព្រះសីហនុ នៅឆ្នាំ២០២៣។
ដំណឹងនេះត្រូវបានបង្ហាញដោយលោក Chen Jiangang ប្រធានក្រុមប្រឹក្សាភិបាលនៃតំបន់សេដ្ឋកិច្ចពិសេសក្រុងព្រះសីហនុ ក្នុងជំនួបជាមួយលោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅទីក្រុងភ្នំពេញកាលពីថ្ងៃទី២៨ ខែកក្កដា។
លោក Chen Jiangang បន្តថា ក្រុមហ៊ុនក៏នឹងនាំចូលកសិផលកម្ពុជា ទៅប្រទេសចិនផងដែរ។
ចាប់ពីខែមករាដល់ខែមិថុនាឆ្នាំ២០២២ ទំហំនាំចេញ-នាំចូលនៅតំបន់សេដ្ឋកិច្ចពិសេសក្រុងព្រះសីហនុ មានតម្លៃជិត១.៤ ពាន់លានដុល្លារអាមេរិក។
លោកបានបន្ថែមថា តំបន់សេដ្ឋកិច្ចពិសេសក្រុងព្រះសីហនុ បច្ចុប្បន្នមានរោងចក្រចំនួន១៧០ មកពីសហភាពអឺរ៉ុប សហរដ្ឋអាមេរិក ប្រទេសចិន និងតំបន់អាស៊ីអាគ្នេយ៍។ លោកបានបន្ថែម ថា និងបានបង្កើតការងារប្រមាណ៣០.០០០កន្លែងសម្រាប់អ្នកស្រុក។
លោករដ្ឋមន្ត្រី សំហេង បានគាំទ្រចំពោះគម្រោងវិនិយោគរបស់ក្រុមហ៊ុននេះ ដោយសង្កត់ធ្ងន់ថា វានឹងមិនត្រឹមតែលើកទឹកចិត្តកសិករកម្ពុជាឱ្យដាំកៅស៊ូប៉ុណ្ណោះទេ ប៉ុន្តែថែមទាំងជួយបង្កើនការងារដល់អ្នកក្នុងស្រុកផងដែរ។
ការអភិវឌ្ឍន៍យ៉ាងឆាប់រហ័សនៃខេត្តព្រះសីហនុ ជាពិសេសផ្នែកហេដ្ឋារចនាសម្ព័ន្ធ រួមទាំងផ្លូវល្បឿនលឿនដែលសាងសង់ជិតរួចរាល់ជាស្នូលសម្រាប់ការរីកចម្រើនរបស់ខ្លួន ដោយសារការរួមចំណែកពីប្រទេសចិន។
លោកក៏បាននិយាយផងដែរអំពីភាពជាអ្នកដឹកនាំរបស់តំបន់សេដ្ឋកិច្ចពិសេសក្រុងព្រះសីហនុ ក្នុងការធានាការវិនិយោគ សូម្បីតែចំពេលមានការរីករាលដាលនៃកូវីដ-១៩ ក៏ដោយ៕
ដោយ៖ Puthinews
Telegram Channel: Puthi News
Youtube Channel: Puthi News
Puthinews Android app: Puthi News
