សុភាសិតចិន “ម្ជុល”
សុភាសិតចិនមួយពោលថា៖
-“ ម្ជុលមិនអាចស្រួចមុតបានទាំងសងខាងនោះទេ”
តាមន័យអត្ថានុរូប ម្ជុលត្រូវមានគូទរបស់វា ដែលមានរន្ធ ហើយយើងអាចដោតចេសតាមរន្ធគូទម្ជុលសម្រាប់ដេរបាន រួចប្រសិនបើម្ជុលស្រួចមុតទាំងសងខាង នោះយើងមិនអាចប្រើវាដេរបានឡើយ…
តាមន័យអត្ថាប្បដិរូប មនុស្សយើងកម្រនឹងទទួលជោគជ័យបានគ្រប់វិស័យណាស់។
ឧទាហរណ៍៖
- ប្រសិនបើស្វាមីទទួលជោគជ័យក្នុងអាជីពហេីយ ភរិយាក៏មិនបានទទួលជោគជ័យអ្វីធំដុំដែរ
- ប្រសិនបើអ្នកទទួលជោគជ័យក្នុងជីវភាពគ្រួសារ ដូចជាកូនៗសិក្សាប្រកបដោយលទ្ធផលល្អ មានសុខភាពល្អបរិបូណ៌ ក៏ប្រហែលជាលទ្ធផលការងាររបស់អ្នក បានល្មមតែមួយរស់ៗនោះដែរ
- សូមមេីលចុះ អ្នកខ្លះទទួលបានជោគជ័យក្នុងការងារ ឡើងបុណ្យស័ក្ដិដូចជាកាំជណ្ដេីរ តែបែរជាគេមកទទួលបរាជ័យនៅផ្ទះ ដោយគេលែងលះគ្នា បែកបាក់គ្រួសារ ហេីយកូនៗដើរធ្លាក់ផ្លូវអនាចារ ប៉ោឡែជាដើម…
- សូមមេីលចុះ អ្នកខ្លះមានទ្រព្យសម្បត្តិមហាសាល តែគេមិនអាចទទួលទានអ្វីបានតាមចិត្តរបស់គេឃ្លានបានទេ ព្រោះគេត្រូវតមអាហារដើម្បីសុខភាព… ដេីម្បីបានរស់បន្តជីវិតមេីល និងស្ទាបទ្រព្យសម្បត្តិយ៉ាងស្ដាយស្រណោះ…
សរុបមកវិញ យើងត្រូវតាំងចិត្តទទួលយកនូវអ្វីដែលជាលទ្ធផល …ដែលជាញេីសឈាមរបស់យើង… ដែលយេីងបានខិតខំប្រឹងប្រែងអស់ពីសមត្ថភាពទៅហើយ …ប៉ុន្តែសូមមេត្តាចងចាំនូវសុភាសិតរបស់អង់គ្លេសមួយដែលពោលថា៖
-“ No success can compensate for failure in the home!”
“គ្មានជោគជ័យណាមួយ អាចយកមកទូទាត់សងបរាជ័យនៅឯផ្ទះបានទេ!”
ដោយPuthinews
Puthinews Android app: Puthi News
Telegram Channel: Puthinews
Youtube Channel: Puthi News
