ក្នុងឆាកជីវិតនេះយើងអាចជួបមនុស្សលាក់ពុតដូចជា៖
១. គោរពអ្នកធំក្នុងមុខតំណែងមានន័យថា ដើម្បីផលប្រយោជន៍មនុស្ស នេះសម្ដែងនូវការលុតក្រាប អែបអប និងយកចិត្តអ្នកធំក្នុងមុខតំណែងតែនៅពេលដែលអ្នកធំបាត់បង់បុណ្យស័ក្ដិ សុំទោសមនុស្សនេះបែរខ្នងដាក់ហើយ
២. ប្រឹងប្រែងកសាងទំនាក់ទំនង មានន័យថាមនុស្សធម្មតាក៏កសាងទំនាក់ទំនងដែរតែមនុស្សលាក់ពុតខិតខំកសាងទំនាក់ទំនងនេះបែបហួសហេតុ និងមិនសមភ្នែករបស់អ្នកផងទាំងពួងឡើយ
៣. ស្វែងរកការចាប់អារម្មណ៍ គឺអ្វីៗដែលមនុស្សលាក់ពុតធ្វើសំដៅចង់បានតែការចាប់អារម្មណ៍ ពីអ្នកនៅជុំវិញខ្លួនតែប៉ុណ្ណោះ គឺមិនមែនចេញពីបេះដូងឡើយ
៤. អេចអូច គឺមានន័យថា មនុស្សធម្មតាចូលចិត្តជជែកវែកញែកជាសាធារណៈ រីមនុស្សលាក់ពុត ចូលចិត្តនិយាយនៅក្រោយខ្នងដោយនិយាយពន្លើសហួសពីការពិតទៅទៀត
៥. សម្ញែង គឺមានន័យថាការបង្ហាញនូវថោមភាពចំពោះអ្វីដែលយេីងមានគឺត្រឹមត្រូវតែមនុស្សលាក់ ពុតចូលចិត្តសម្ញែងឫកគ្រប់ពេលវេលា និងក្រអឺតក្រអោងណាស់
៦. ជាន់ពន្លិចអ្នកដទៃ គឺមនុស្សលាក់ពុតចូលចិត្តជាន់ពន្លិចនិងបន្ទោសបង្អាប់អ្នកនៅជុំវិញខ្លួន ដើម្បីធ្វើឱ្យខូចឯងលេចធ្លោ
៧.ស្វាងតឹងស្រវឹងធូរ គឺមនុស្សលាក់ពុតចូលចិត្តពោលពាក្យសន្យាគ្រប់បែបយ៉ាងតែមិនដែលគោរព និងធ្វើតាមសន្យាបានឡើយ
៨.សម្លឹងតែផលប្រយោជន៍ គឺដើម្បីតែផលប្រយោជន៍ សួនតួ មនុស្សលាក់ពុតអាចធ្វើ អ្វីៗគ្រប់យ៉ាងបាន កុំថាឡើយត្រឹមដុតផ្ទះរបស់យើង ដើម្បីស្ងោរពងមាន់មួយរបស់គេនោះ…
ដោយ៖ Puthinews
Telegram Channel: Puthinews
Youtube Channel: Puthi News
Puthinews Android app: Puthi News
