29 C
Phnom Penh
Tuesday, March 19, 2024

ជនជាតិថៃត្រូវបានចាប់ខ្លួន ខណៈក្រុមឆបោកត្រូវបានបង្ក្រាបនៅកម្ពុជា 

ជនសង្ស័យទាំងនេះ ស្ថិតក្នុងចំណោមជនជាតិថៃចំនួន ២១នាក់ ដែលត្រូវបានចាប់ខ្លួនពីបទ ធ្វើការឱ្យក្រុមឆបោកស្នេហា និងវិនិយោគ នៅកម្ពុជា។ (រូបថត​ផ្តល់​ជូន) 

ជនជាតិថៃចំនួន២១ នាក់ដែលធ្វើការឱ្យក្រុមឆបោកផ្នែកស្នេហា និងវិនិយោគ (romance and investment scam gangs) នៅក្នុងប្រទេសកម្ពុជាត្រូវបានចាប់ខ្លួន ហើយត្រូវបានគេរំពឹងថានឹងបញ្ជូនត្រឡប់ទៅប្រទេសថៃវិញនៅសប្តាហ៍ក្រោយ។

ព័ត៌មានលម្អិតត្រូវបានប្រកាសដោយលោកនាយឧត្តមសេនីយ៍ Damrongsak Kittiprapas នាយកនៃ នគបាលប្រឆាំងបទល្មើសតាមអ៊ិនធឺណែត (Police Cyber ​​Taskforce)។ 

លោកមានប្រសាសន៍​ថា នគរបាល​ថៃ និង​កម្ពុជា បាន​សហការ​គ្នា​ឆ្មក់​ចូល​ទីតាំង​ពីរ​ក្នុង​ខេត្ត​ព្រះសីហនុ កាល​ពី​ដើម​សប្តាហ៍​នេះ ហើយ​បាន​ចាប់​ខ្លួន​ជន​ជាតិ​ថៃ ២១ នាក់​ប្រុស និង​ស្រី ដែល​ធ្វើ​ការ​ពី​បទ​ឆបោក។ 

លោកនាយឧត្តមសេនីយ៍ Damrongsak បានមានប្រសាសន៍ថា ជនសង្ស័យទាំងអស់ត្រូវបានដាក់ឈ្មោះតាមដីកាចាប់ខ្លួនដែលចេញដោយតុលាការព្រហ្មទណ្ឌពីបទក្លែងបន្លំសាធារណៈ ការប្រមូលផ្តុំដោយខុសច្បាប់ និងការលាងលុយ។ 

ពួក​គេ​ត្រូវ​បាននគរបាល​កម្ពុជា​ឃុំ​ខ្លួន​ដើម្បី​ចាត់​ការ​តាម​ផ្លូវ​ច្បាប់។ ក្រោយ​ពី​ដំណើរការ​នីតិវិធី​ច្បាប់​ពួកគេ​នឹង​ត្រូវ​និរទេស​ទៅ​ប្រទេស​ថៃ​ដើម្បី​ប្រឈម​នឹង​ការ​ចោទ​ប្រកាន់។ ពួកគេ​ត្រូវ​បាន​គេ​រំពឹង​ថា​នឹង​ត្រូវ​បញ្ជូន​ត្រឡប់ទៅ​វិញ​នៅ​សប្តាហ៍​ក្រោយ​កាត់​តាម​ស្រុក​ខ្លងលឿក (Khlong Luek) ​ក្នុង​ខេត្ត​ស្រះកែវ។ 

ប្រធានក្រុមការងារប្រឆាំងបទល្មើសតាមអ៊ីនធឺណិតបានមានប្រសាសន៍ថាថា ក្រុមឆបោក បានបង្កើតទម្រង់ (profile) អនឡាញក្លែងក្លាយដោយប្រើរូបភាពដែលមានរូបរាងស្រស់ស្អាត ក្នុង profile របស់ពួកគេ ហើយបានស្វែងរកគោលដៅជនរងគ្រោះរបស់ពួកគេតាមរយៈកម្មវិធីណាត់ជួប (dating app) ដ៏ពេញនិយម Tinder និងនៅលើកម្មវិធី LINE ។ 

បន្ទាប់ពីទទួលបានការជឿទុកចិត្តរបស់ពួកគេ សូម្បីតែទទួលបានក្តីស្រឡាញ់របស់ពួកគេ អ្នកបោកប្រាស់នឹងបោកបញ្ឆោតជនរងគ្រោះរបស់ពួកគេទៅក្នុងការវិនិយោគនៅក្នុងកម្មវិធីជួញដូរ Forex ដែលក្លែងបន្លំ ឬគ្រោងការណ៍រូបិយប័ណ្ណឌីជីថល។ 

លោកនាយឧត្តមសេនីយ៍ Damrongsak បានមានប្រសាសន៍ថា មនុស្សជាច្រើនបានផ្ទេរប្រាក់ទៅពួកគេ។ 

ដោយ៖ Puthinews

អានបន្ត

spot_img