27 C
Phnom Penh
Thursday, December 8, 2022

អ្នកនយោបាយ​បក្សប្រឆាំងរបស់​ម៉ាឡេស៊ី​បានអំពាវនាវគួរឱ្យអស់សំណើចដោយហាមប្រាម​​ប្រជាជន​ម៉ាឡេស៊ី​មិន​ឱ្យមក​ធ្វើការ​នៅ​កម្ពុជា

ជនរងគ្រោះដោយសារការបោកប្រាស់ការងារមួយចំនួនដែលត្រូវបានជួយសង្គ្រោះ និងនាំយកមកផ្ទះវិញកាលពីប៉ុន្មានខែមុន ប៉ុន្តែនគរបាលបាននិយាយថា នៅមាន១៧៤ នាក់ទៀតដែនៅជាប់គាំងនៅបរទេស។

សមាជិកសភាបក្សប្រឆាំងមួយរូបបានអំពាវនាវឱ្យរដ្ឋបាលសហព័ន្ធគឺលោក Putrajaya ហាមប្រាមជនជាតិម៉ាឡេស៊ីជាបណ្តោះអាសន្នពីការត្រូវបានជ្រើសរើសឱ្យធ្វើការនៅក្នុងប្រទេសកម្ពុជារហូតដល់ក្រុមអ្នកឆបោកការងារនៅទីនោះត្រូវបានចាប់ខ្លួន។

ខណៈដែលកោតសរសើររអាជ្ញាធរក្នុងការជួយសង្គ្រោះជនរងគ្រោះម៉ាឡេស៊ីចំនួន២៦១ នាក់ពីការបោកប្រាស់ការងារនៅប្រទេសកម្ពុជាមកទល់ពេលនេះ សមាជិកសភា Bukit Mertajam លោក Steven Sim បាននិយាយថា វាមិនច្បាស់ទេថា តើពលរដ្ឋប៉ុន្មាននាក់ត្រូវបានបង្ខាំងដោយក្រុមឆបោកនៅទីនោះ។

លោកបានបន្ត​ថា មាន​អ្នក​ខ្លះ​អះអាង​ថា​ចំនួន​ពិត​មាន​រាប់​ពាន់​នាក់ ដោយ​បន្ថែម​ថា​ពួកគេ​ជា​ជនរងគ្រោះ​ដោយ​ការ​ជួញដូរ​មនុស្ស។

លោក​បាន​ថ្លែង​ក្នុង​ការ​អំពាវ​នាវ​ឱ្យផ្អាក​នេះ​ថា​៖ «ជីវិត​របស់​ប្រជាជន​ម៉ាឡេស៊ី​មិន​គួរ​ត្រូវ​បាន​យកមកលេង​សើចទេ ប្រសិន​បើ​រដ្ឋាភិបាល​កម្ពុជា​មិន​អាច​ធានា​ការ​ពា​សុវត្ថិភាព​របស់​ប្រជាជន​យើង​នៅ​ពេល​ពួកគេ​នៅ​ទីនោះ»។

នៅក្នុងសេចក្តីថ្លែងការណ៍មួយ Sim ក៏បាននិយាយផងដែរថា គួរតែមានយន្តការពិសេសមួយសម្រាប់ការរាយការណ៍ករណីបែបនេះ ដែលពាក់ព័ន្ធនឹងភ្នាក់ងារផ្សេងៗ ដើម្បីធានាការវិលត្រឡប់ប្រកបដោយសុវត្ថិភាពនៃជនរងគ្រោះ និងការគាំទ្រសម្រាប់សមាជិកគ្រួសាររបស់ពួកគេ។

លេខាធិការរៀបចំ DAP បានជំរុញឱ្យនគរបាលចាត់វិធានការប្រឆាំងនឹងភ្នាក់ងារក្នុងស្រុកដែលពាក់ព័ន្ធនឹងការបោកប្រាស់ជនរងគ្រោះ និងអ្នកផ្សាយពាណិជ្ជកម្មដែលបានផ្សព្វផ្សាយការងារក្លែងក្លាយជាសាធារណៈ។

លោកបាននិយាយថា អាជ្ញាធរនៅទូទាំងអាស៊ីអាគ្នេយ៍ត្រូវចាត់វិធានការតឹងរ៉ឹង ដើម្បីដោះស្រាយបញ្ហានេះ ដោយតំបន់នេះទទួលបានឈ្មោះជាចំណុចក្តៅនៃការជួញដូរមនុស្ស។

លោកបានបន្ថែមថា គួរតែមានការអនុវត្ត និងគោលនយោបាយការពារកម្មករតឹងរ៉ឹង ជាងមុន បើមិនដូច្នេះទេ យើងនឹងមើលឃើញការធ្លាក់ចុះនៃការធ្វើអាជីវកម្ម និងការវិនិយោគ។

លោក​បាន​បន្ត​ថា​៖ «​ប្រទេស​ម៉ាឡេស៊ី​ត្រូវ​តែ​នាំ​មុខ​ក្នុងកម្រិតអាស៊ាន​​បង្កើត​កិច្ច​សហប្រតិបត្តិការ​ក្នុង​តំបន់​ដើម្បី​ប្រឆាំង​នឹង​ការ​ជួញដូរ​មនុស្ស​»។

កាលពីថ្ងៃសុក្រ Bukit Aman បាននិយាយថា នៅមានជនជាតិម៉ាឡេស៊ីរងគ្រោះដោយសារការឆបោកការងារចំនួន១៧៤ នាក់ដែលកំពុងជាប់គាំងនៅបរទេស។ របាយការណ៍ចំនួន ២២៤ត្រូវបានបញ្ជូនទៅនគរបាលចាប់តាំងពីឆ្នាំមុនដែលពាក់ព័ន្ធនឹងជនរងគ្រោះចំនួន២៨៤នាក់។

យោង​តាម​នគរបាល​បាន​ឱ្យដឹង​ថា ជន​រង​គ្រោះ​ប្រមាណ ១១០ នាក់​ត្រូវ​បាន​ជួយ​សង្គ្រោះ និង​នាំ​ត្រឡប់​មក​ប្រទេស​ម៉ាឡេស៊ី​វិញ។

ឆ្លើយតបទៅនឹង Sim  ដែលមិនមានភាពបុិនប្រសព្វខាងនយោបាយ និងការទូត មន្ត្រីដែលដឹងពីនីតិវិធីទិដ្ឋាការការងារនៅស្ថានទូតកម្ពុជានៅទីក្រុងគូឡាឡាំពួរ បាននិយាយថា ការលើកឡើង និងការអំពាវនាវរបស់អ្នកនយោបាយនេះគ្រាន់តែជាការឃោសនាដើម្បីព្យាយាមបង្កើតឱកាសនយោបាយដើម្បីផលប្រយោជន៍ផ្ទាល់ខ្លួនប៉ុណ្ណោះ។

“ជនជាតិម៉ាឡេស៊ីដែលមានការងារស្របច្បាប់ដែលបានធ្វើដំណើរមកកម្ពុជាទទួលបានទិដ្ឋាការត្រឹមត្រូវដោយបានផ្តល់ឯកសារពេញលេញដល់ផ្នែកទីប្រឹក្សានៃស្ថានទូតកម្ពុជា ហើយនេះរួមបញ្ចូលទាំងឯកសារចុះបញ្ជីពន្ធរបស់ក្រុមហ៊ុន លិខិតការងារ វិញ្ញាបនបត្រចុះបញ្ជីក្រុមហ៊ុន និងឯកសារពាក់ព័ន្ធ។

មន្ត្រី​សុំមិនបញ្ចេញអត្តសញ្ញាណម្នាក់បាននិយាយ​ថា៖ «​វា​ជា​រឿង​អកុសល​ដែល​អ្នកនយោបាយ​នេះ​ព្យាយាម​ចង់បានផលប្រយោជន៍ពីភាពល្ងង់ខ្លៅរបស់ខ្លួន ​ជំនួស​ឲ្យ​ការ​អប់រំ​យុវជន​ឲ្យ​អនុវត្ត​នីតិវិធី​ការងារឲ្យបាន​ត្រឹមត្រូវ​របស់​ប្រទេស​កម្ពុជា គាត់​កំពុង​ប្រកាន់​យក​វិធីសាស្ត្រ​យកចិត្តសាធារណជន​ដើម្បី​អំពាវនាវ​ឲ្យ​មាន​ការ​ហាមប្រាម​»​៕

ដោយ៖ Puthinews

Telegram Channel: Puthi News

Puthinews Android app: Puthi News

Youtube Channel: Puthi News

- Advertisement -spot_imgspot_img
- Advertisement -spot_imgspot_img

អានបន្ត

spot_img
spot_imgspot_img