27 C
Phnom Penh
Thursday, December 8, 2022

សម្ដេច​តេជោ ហ៊ុន សែន ​ស្នើ​​ឲ្យយក​ព្រឹត្តិការណ៍​កីឡាស៊ីហ្គេមឆ្នាំ ២០២៣​ បង្កើនការផ្សព្វផ្សាយពីទេសចរណ៍កម្ពុជា​

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានដាក់ចេញនូវអនុសាសន៍មួយ​ចំនួន ជុំវិញការ​ងើប​ឡើងវិញ​នៃវិស័យទេសចរណ៍។ ក្នុងនោះ ​​ក៏បានជំរុញឲ្យយកព្រឹត្តិការណ៍កីឡាស៊ីហ្គេមឆ្នាំ ២០២៣ ដើម្បី​ផ្សព្វផ្សាយពីវិស័យទេសចរណ៍កម្ពុជា ផងដែរ។​

ការដាក់ចេញនូវអនុសាសន៍ របស់សម្ដេចតេជោនាយករដ្ឋមន្ត្រីខាងលើនេះ បានធ្វើឡើងក្នុងពិធីបិទសន្និបាតបូកសរុបការងារទេសចរណ៍ ការបូកសរុបផែនការស្តារ និង​លើក​ស្ទួយ​វិស័យ​ទេសចរណ៍​កម្ពុជា ក្នុង និងក្រោយវិបត្តិជំងឺកូវីដ-១៩ ដំណាក់កាលទី ១ (២០២០-២០២១) និងឆមាសទី ១ ឆ្នាំ ២០២២ និងលើក​ទិសដៅ​ផែនការ​ស្តារ​ឡើង​វិញ ​នូវ​វិស័យ​ទេសចរណ៍​ក្នុង​ដំណាក់កាលទី ២ (ឆមាសទី ២ ឆ្នាំ ២០២២-២០២៣)​។

សម្ដេច​តេជោ ហ៊ុន សែន បានថ្លែងយ៉ាងដូច្នេះថា ​«​ដោយកម្ពុជាត្រូវធ្វើជាម្ចាស់ផ្ទះ រៀបចំប្រកួតកីឡាស៊ីហ្គេម អាស៊ានប៉ារ៉ាហ្គេមឆ្នាំ ២០២៣ ខ្ញុំស្នើសុំ​ឲ្យយកព្រឹត្តិការណ៍កីឡាទេសចរណ៍ដ៏ធំនេះ ដាក់ចេញជាយុទ្ធនាការទស្សនាកម្ពុជាឆ្នាំ​ ២០២៣ ដើម្បីបង្កើន​ការផ្សព្វផ្សាយទេសចរណ៍កម្ពុជា»។

ជាមួយគ្នានោះ សម្តេចក៏បាន​ស្នើឲ្យ​ក្រសួង-ស្ថាប័នពាក់ព័ន្ធរបស់រដ្ឋ និង​ប្រជាជនចូលរួមក្នុងយុទ្ធនាការ កម្ពុជាស្អាត ទីក្រុងស្អាត រមណីយដ្ឋានស្អាត សេវាកម្មល្អ ​និងបដិសណ្ឋារកិច្ចល្អ ដើម្បីលើកកម្ពស់មុខមាត់របស់កម្ពុជាផង និងអបអរសាទរការរៀបចំព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេមឆ្នាំ ២០២៣ផងដែរ។​

បើ​តាមសម្ដេចតេជោ ហ៊ុន សែន ការជំរុញផែនការវវិស័យទេសចរណ៍នេះ ដោយសាតែបញ្ហា​​កូវីដ-១៩ បានធ្វើឲ្យមានផលប៉ះពាល់ធ្ងន់ធ្ងរជាងគេ ទៅលើវិស័យទេសចរណ៍។ សម្តេចថា ​វិស័យមួយ​ចំនួន​ដូចជា៖ វិស័យឧស្សាហកម្ម វិស័យកសិកម្ម និងសេវាកម្មមួយចំនួន​បានងើបឡើងវិញហើយ តែវិស័យទេសចរណ៍ កំពុងស្ថិតនៅក្នុងសភាពរើបៗឡើងវិញ ហើយ​ឥឡូវ​បញ្ហាថ្មីក៏បានចូលមកដល់ ដែលអាចនាំទៅដល់ការបំផ្លាញវិស័យទេសចរណ៍ថែមទៀត គឺសង្គ្រាម និងទណ្ឌកម្ម។ បញ្ហានេះ បានបង្កើតឲ្យមានស្ថានភាពមិនច្បាស់លាស់ នៃពិភពលោកមួយដែលបែកបាក់ និងគ្មានសណ្ដាប់ធ្នាប់​៕
ដោយ៖ Puthinews

Telegram Channel: Puthinews

Youtube Channel: Puthi News

Puthinews Android app: Puthi News

- Advertisement -spot_imgspot_img
- Advertisement -spot_imgspot_img

អានបន្ត

spot_img
spot_imgspot_img