30 C
Phnom Penh
Saturday, October 1, 2022

សមាជិកព្រឹទ្ធសភាសហរដ្ឋអាមេរិក ប្ល៊ែកប៊ន ទៅដល់កោះតៃវ៉ាន់សម្រាប់ដំណើរទស្សនកិច្ចរយៈពេល ៣ថ្ងៃ

សមាជិកព្រឹទ្ធសភាសហរដ្ឋអាមេរិក លោក ម៉ារស្សា ប្ល៊ែកប៊ន បានចុះចតនៅកោះតៃវ៉ាន់កាលពីថ្ងៃព្រហស្បតិ៍សម្រាប់អ្វីដែលត្រូវបានគេរំពឹងថា ជាដំណើរទស្សនកិច្ចរយៈពេលបីថ្ងៃរបស់លោកនៅទីនោះ។ នេះបើយោងតាមការផ្សាយបន្តផ្ទាល់មួយ។

ដំណើរទស្សនកិច្ចរបស់លោក ប្ល៊ែកប៊ន ធ្វើឡើងបន្ទាប់ពីដំណើរទស្សនកិច្ចដ៏ចម្រូងចម្រាសរបស់ប្រធានសភាសហរដ្ឋអាមេរិក លោកស្រី ណាន់ស៊ី ប៉េឡូស៊ី កាលពីដើមខែសីហា ដែលបានធ្វើឱ្យទីក្រុងប៉េកាំងខឹងសម្បារយ៉ាងខ្លាំង និងបណ្តាលឱ្យមានសមយុទ្ធយោធាទ្រង់ទ្រាយធំនៅជុំវិញកោះតៃវ៉ាន់។

កាលពីព្រឹកថ្ងៃព្រហស្បត្តិ៍ ទីភ្នាក់ងារសារព័ត៌មានកណ្តាលនៃកោះតៃវ៉ាន់បានរាយការណ៍ថា គណៈប្រតិភូសហរដ្ឋអាមេរិកទីបួនក្នុងរយៈពេលតែមួយខែនឹងទៅដល់កោះតៃវ៉ាន់នៅយប់ថ្ងៃព្រហស្បតិ៍ បើទោះបីជាប្រទេសចិនមានការប្រឆាំងយ៉ាងខ្លាំងចំពោះទំនាក់ទំនងបរទេសផ្លូវការណាមួយជាមួយកោះនេះក៏ដោយ។

យោងតាមការរាយការណ៍នោះបានឱ្យដឹងថា គណៈប្រតិភូសមាជិកសភាសហរដ្ឋអាមេរិកដែលជិះយន្តហោះយោធា ត្រូវបានគេរំពឹងថានឹងចុះចតនៅអាកាសយានដ្ឋាន Taipei Songshan កាលពីយប់ថ្ងៃព្រហស្បតិ៍។ នៅថ្ងៃសុក្រនេះ គណៈប្រតិភូនោះនឹងជួបជាមួយមេដឹកនាំកោះតៃវ៉ាន់ លោកស្រី សៃ អ៊ីងវិន និងមន្ត្រីជាន់ខ្ពស់ផ្សេងៗទៀត។

ទីភ្នាក់ងាររដ្ឋតៃវ៉ាន់ មិនបានផ្តល់ព័ត៌មានអំពីសមាសភាពគណៈប្រតិភូនោះទេ។

ប្រព័ន្ធផ្សព្វផ្សាយក៏បានដកស្រង់ពីប្រភពក្រសួងការបរទេសរបស់កោះនេះផងដែរថា “ក្រសួងនឹងជូនដំណឹងអំពីការមកដល់នៃភ្ញៀវទេសចរទៅកាន់កោះតៃវ៉ាន់ ប្រសិនបើមានក្នុងលក្ខណៈទាន់ពេលវេលា”។

ប្រទេសចិនបានប្រឆាំងម្តងហើយម្តងទៀតនូវដំណើរទស្សនកិច្ចរបស់មន្ត្រីជាន់ខ្ពស់អាមេរិកទៅកាន់កោះនេះ ដោយសារតែខ្លួនចាត់ទុកកោះតៃវ៉ាន់ជាផ្នែកមួយនៃទឹកដីរបស់ខ្លួន និងប្រឆាំងនឹងទំនាក់ទំនងបរទេសផ្លូវការណាមួយជាមួយទីក្រុងតៃប៉ិ។ ដំណើរទស្សនកិច្ចរបស់ប្រធានសភាសហរដ្ឋអាមេរិក លោកស្រី ណាន់ស៊ី ប៉េឡូស៊ី ទៅកាន់កោះនេះកាលពីដើមខែសីហាបានបង្កឱ្យមានភាពតានតឹងសារជាថ្មីនៅច្រកសមុទ្រតៃវ៉ាន់ និងរលកនៃទណ្ឌកម្មរបស់ប្រទេសចិនប្រឆាំងនឹងតៃវ៉ាន់។ ជាងនេះទៅទៀត ទីក្រុងប៉េកាំងបានចាប់ផ្តើមសមយុទ្ធយោធាទ្រង់ទ្រាយធំនៅតំបន់ជុំវិញកោះនេះ ដែលរួមមានសមយុទ្ធបាញ់គ្រាប់ពិត និងការហោះហើរយន្តហោះយោធាពីលើអាកាសនៅជិតដែនអាកាសរបស់តៃវ៉ាន់ផងដែរ។

ដំណើរទស្សនកិច្ចរបស់លោកស្រី ប៉េឡូស៊ី ត្រូវបានបន្តដោយដំណើរទស្សនកិច្ចរបស់គណៈប្រតិភូសហរដ្ឋអាមេរិកមួយផ្សេងទៀតដែលដឹកនាំដោយសមាជិកព្រឹទ្ធសភាអាមេរិក លោក អេដវើដ ជេ.ម៉ាកឃី កាលពីថ្ងៃទី១៤ ខែសីហា និងដំណើរទស្សនកិច្ចរបស់លោក អេរីក ហូលខុមប៍ អភិបាលរដ្ឋ Indiana របស់សហរដ្ឋអាមេរិកាលពីថ្ងៃទី២១ ខែសីហា ដែលបង្កឱ្យមានរលកមួយទៀតនៃការធ្វើសមយុទ្ធយោធារបស់ប្រទេសចិននៅជិតកោះនេះ៕
ដោយ៖ Puthinews

Telegram Channel: Puthi News

Youtube Channel: Puthi News

Puthinews Android app: Puthi News

- Advertisement -spot_imgspot_img
- Advertisement -spot_imgspot_img

អានបន្ត