30 C
Phnom Penh
Thursday, June 30, 2022

មនុស្សស្លាប់និងរបួស៣នាក់ ក្នុងករណីរថយន្តដឹកដី បុកគោយយន្តកន្ត្រៃដឹកឈើនៅខេត្តស្ទឹងត្រែង

ស្តាប់អត្ថបទជាសំឡេង

ស្ទឹងត្រែង៖ យ៉ាងហោចណាស់មានមនុស្សម្នាក់បានស្លាប់ភ្លាមៗ  នៅនឹងកន្លែងកើតហេតុ   ចំណែកពីរនាក់ទៀតរងរបួសធ្ងន់ និង ស្រាល  រួចដឹកបញ្ជូនទៅសង្គ្រោះបន្ទាន់នៅមន្ទីរពេទ្យ។ 

សមត្ថកិច្ចបានឲ្យដឹងថា អ្នកដែលស្លាប់ឈ្មោះ  ឌឿន  វែន  ភេទប្រុស  អាយុ១៤ឆ្នាំ  ត្រូវរថយន្តបើកកិនចំក្បាលបណ្តាលឱ្យស្លាប់មួយរំពេច   ចំណែកពីរនាក់ទៀត ឈ្មោះផាន់  ខឿន  ភេទប្រុសអាយុ២៥ឆ្នាំ  និងឈ្មោះសន  ឆក  ភេទប្រុស  អាយុ៣៥ឆ្នាំ  បានរងរបួសធ្ងន់-ស្រាល  បញ្ជូនទៅមន្ទីរពេទ្យ។ មនុស្សទាំងបីនាក់រស់នៅភូមិចាន់តាង៉យ  សង្កាត់សាមគ្គី  ក្រុងស្ទឹងត្រែង  ខេត្តស្ទឹងត្រែង។ 

ករណីគ្រោះថ្នាក់ចរាចរណ៍ខាងលើនេះ  បានកើតឡើងនៅល្ងាចថ្ងៃទី១០   ខែមករា  ឆ្នាំ២០២២  នៅលើកំណាត់ផ្លូវជាតិលេខ៧អា  ត្រង់ចំណុចគីឡូម៉ែត្រលេខ៩  ក្នុងភូមិគីឡូប្រាំបី  សង្កាត់សាមគ្គី  ក្រុងស្ទឹងត្រែង។ 

យោងតាមពលរដ្ឋដែលឃើញហេតុការណ៍  ដែលពួកគេរស់នៅតាមដងផ្លូវនោះបានឱ្យដឹងថា  រថយន្តដឹកដីបានបើកស្របទិសគ្នាក្នុងល្បឿនលឿន   ហើយបានជ្រុលទៅបុកគោយន្តកន្ត្រៃដឹកអុសដាក់ឡឥដ្ឋពីខាងក្រោយពេញទំហឹងតែម្តង។ ឃើញដូច្នេះ  បន្ទាប់ពីការបុកបណ្តាលឱ្យមនុស្ស  និងរងរបួសពេញផ្លូវ  អ្នកបើករថយន្តក៏ចុះរត់គេចខ្លួនបាត់ ស្រមោល​។ តែទោះយ៉ាងណា  រថយន្តបង្កខាងលើត្រូវបានគេស្គាល់ថាជារថយន្ត​របស់កូនប្រុសលោកចៅសង្កាត់ស្រះឫស្សី  នៃក្រុងស្ទឹងត្រែង។ បច្ចុប្បន្នសម្ថកិច្ចបានធ្វើការវាស់វែង និងកំណត់ហេតុបន្តតាមនីតិវិធីច្បាប់៕

អត្ថបទ និងរូបភាពដោយ Puthinews

Telegram group: Puthinews

YOUTUBE | Puthinews

WEBSITE | Puthinews

- Advertisement -spot_imgspot_img

អានបន្ត