ផ្ទុះគ្រាប់មីនតោន បណ្តាលឱ្យស្លាប់មន្ត្រីដោះមីនចំនួន០៣នាក់ និងរបួសធ្ងន់ម្នាក់ នៅខេត្តព្រះវិហារ

ព្រះវិហារ៖ អគ្គនាយកស៊ីម៉ាក់ លោក ហេង រតនា បានឱ្យដឹងថា មានករណីផ្ទុះគ្រាប់មីនតោន បណ្តាលឱ្យស្លាប់មន្ត្រីជំនាញដោះមីនចំនួន០៣នាក់ និងរបួសធ្ងន់ម្នាក់  របស់អង្គការដោះមីនកម្ពុជា  (Cambodian Self Help Demining)។ ករណីនេះ បានកើតឡើងនៅ ភូមិសែនតេជៈ ឃុំមរកត   ស្រុកជាំក្សាន្ត  ខេត្តព្រះវិហារ នៅម៉ោងប្រមាណ ១១:៣០នាទីព្រឹក នៅថ្ងៃទី១០  ខែមករា  ឆ្នាំ ២០២២ ។

លោក ហេង រតនា បានចាត់ទុកករណីនេះ ជាភាពចៃដន្យបំផុតដែលនៅមុនគ្រោះថ្នាក់ស្លាប់អ្នកដោះមីននេះ កើតឡើងតែប្រមាណ ២០នាទីប៉ុណ្ណោះ  នៅភូមិនេះ ក៏មានករណីផ្ទុះគ្រាប់ដុតសំអាតដីដាំដំឡូង បណ្តាលឱ្យស្លាប់ប្រជាពលរដ្ឋមួយរូបផងដែរ។ 

សូមបញ្ជាក់ថា អង្គការដោះមីនកម្ពុជា CSHD (Cambodian Self Help Demining)  ជាអង្គការអាគីរ៉ា  ដែលមានទីតាំងស្នាក់ការនៅខេត្តសៀមរាប៕

អត្ថបទ និងរូបភាពដោយ៖ Puthinews

Telegram group: Puthinews

YOUTUBE | Puthinews

WEBSITE | Puthinews