30 C
Phnom Penh
Saturday, October 1, 2022

បញ្ហារបួស ខ្សែការពារ Monreal ដែលឈ្នះ FA Cup ៣លើក ប្រកាសចូលនិវត្តន៍

(ឡុងដ៏)៖ អតីតខ្សែការពារក្លិប Arsenal កីឡាករអេស្ប៉ាញ Nacho Monreal បានសម្រេចចិត្តចូលនិវត្តន៍ពីអាជីពបាល់ទាត់ក្នុងវ័យ ៣៦ឆ្នាំ បន្ទាប់ពីជួបបញ្ហារបួសជង្គង់មានរយៈពេលវែង ខណៈលោកជាសមាជិកធ្លាប់លើកពាន FA Cup ៣សម័យកាលជាមួយក្រុមកាំភ្លើងធំ។

Monreal បានទៅចួលរួមជាមួយក្លិប Real Sociedad របស់អេស្ប៉ាញកាលឆ្នាំ២០១៩ ក្នុងកិច្ចសន្យា ២ឆ្នាំ បន្ទាប់ពីចំណាយពេល ៦ឆ្នាំជាមួយ Arsenal ខណៈបានខកខានពេញមួយរដូវកាល២០២១-២២ ក្នុងការព្យាយាមសម្រាកព្យាបាលរបួសជង្គង់ ហើយកាលពីខែឧសភា ក្លិបអេស្ប៉ាញ Real Sociedad ប្រកាសពីការចាកចេញ។

គួររំលឹកផងថា ក្នុងអាជីពរបស់ខ្សែការពារអេស្ប៉ាញ Nacho Monreal បានឈ្នះពាន Copa del Rey របស់អេស្ប៉ាញនារដូវកាលឆ្នាំ២០១៩-២០២០ ហើយពាននៅអង់គ្លេស FA Cup, FA Community Shield និងបានរងជើងឯកពាន UEFA Europa League ជាមួយពាន EFL Cup ហើយជាកីឡាករលេងបាន ៥៥៤ប្រកួត និងរកបាន ២១គ្រាប់ដែរ។

ក្នុងការបង្ហាញខ្លួនជាមួយជម្រើសជាតិចាប់ពីឆ្នាំ២០០៩ ដល់ឆ្នាំ២០១៨ លេងបាន ២២ប្រកួត និងរកបាន ១គ្រាប់ ហើយរងជើងឯកពាន FIFA Confederations Cup 2013៕


ដោយ៖ Puthi News

Telegram Channel: Puthi News

Youtube Channel: Puthi News

Puthinews Android app: Puthi News

- Advertisement -spot_imgspot_img
- Advertisement -spot_imgspot_img

អានបន្ត