30 C
Phnom Penh
Saturday, October 1, 2022

ទឹកទន្លេនៅ​ភាគឦសាន​ឡើងជិត​ដល់ចំណុច​ប្រកាស​អាសន្ន​​​ អាជ្ញាធរអំពាវនាវ​ឱ្យពលរដ្ឋ​ត្រៀម​រកទីទួលសុវត្ថិភាព

​គណៈកម្មាធិការគ្រប់គ្រងគ្រោះមហន្តរាយខេត្តរតនគិរីអំពាវនាវដល់បងប្អូនប្រជាពលរដ្ឋដែលរស់​នៅតាមដងអូរ ទន្លេ និងតំបន់ទំនាបងាយប្រឈមនិងជំនន់ទឹកភ្លៀង ដោយសាររយៈ​ពេលប៉ុន្មាន​ថ្ងៃមកនេះ ភ្លៀងនៅតែបន្តធ្លាក់ជាប់ជាប្រចាំ ហេតុដូច្នេះសូមបងប្អូនប្រជាពលរដ្ឋ មានស្មារតីយក​ចិត្តទុក​ដាក់ ​អំពីសុវត្ថិភាពក្រុមគ្រួសារ ជាពិសេសមនុស្សចាស់ និងកុមារ​ ចៀសវាងរងគ្រោះ​ថ្នាក់​ដោយជាយថាហេតុផ្សេងៗ។

​ក្នុងករណីមានតម្រូវការចាំបាច់ សូមទំនាក់ទំនងទៅកាន់អាជ្ញាធរមូលដ្ឋាន​នៅតាមទីកន្លែង​រៀងៗ​ខ្លួន។

​លោក អ៊ុ វណ្ណា ប្រធានមន្ទីរធនធានទឹកខេត្តរតនគិរី បានឲ្យកម្ពុជាថ្មី ដឹងតាមប្រព័ន្ធទូរស័ព្ទ​នៅព្រឹក​ថ្ងៃទី៩ ខែសីហាថា ក្នុងនោះទឹកទន្លេមិនទាន់លិចផ្ទះរបស់​ប្រជាពលរដ្ឋដែលរស់​នៅតាមដងទន្លេ​នៅ​ឡើយទេ នៅសល់តែ២ម៉ែត្រទៀតទេ និងប្រកាសអាសន្នហើយ។

លោកបានបញ្ជាក់ថា សូមឲ្យប្រជាពលរដ្ឋមានការប្រុងប្រយ័ត្នទាំងអស់គ្នា ជាពិសេសជម្លៀស​សត្វ​ពាហ​នៈ ទៅទីទួលសុវត្ថិភាព៕


ដោយ៖ Puthi News

Telegram Channel: Puthi News

Youtube Channel: Puthi News

Puthinews Android app: Puthi News

- Advertisement -spot_imgspot_img
- Advertisement -spot_imgspot_img

អានបន្ត