26 C
Phnom Penh
Saturday, October 1, 2022

ណាតូ ខ្វល់តែរឿងផ្ដល់អាវុធឲ្យ អ៊ុយក្រែន ប៉ុណ្ណោះ ឯការចូលជាសមាជិក ទុកមួយឡែកសិនបាន

អគ្គលេខាធិការអង្គការណាតូលោក Jens Stoltenberg បាននិយាយនៅក្នុងកិច្ចប្រជុំរួមនៃគណៈកម្មាធិការគោលនយោបាយការពារជាតិ និងការបរទេសនៃសភាអឺរ៉ុបអង្គការថា ណាតូផ្តោតសំខាន់តែលើការជួយអាវុធដល់អ៊ុយក្រែនប៉ុណ្ណោះ ខណៈការចូលជាសមាជិកភាពណាតូរបស់ទីក្រុងកៀវគឺទុកមួយឡែកសិន ។

លោក Stoltenberg បាននិយាយថា “ការផ្តោតសំខាន់លើអ៊ុយក្រែននៅពេលនេះគឺផ្តល់ការគាំទ្រដើម្បីជួយអ៊ុយក្រែនឲ្យទទួលបានជ័យជម្នះក្នុងឋានៈជាប្រទេសឯករាជ្យ និងអធិបតេយ្យភាព ហើយការផ្តោតសំខាន់របស់យើងមិនមែនលើសមាជិកភាពនាពេលឥឡូវនេះទេ” ។

យោងតាមលោក Stoltenberg បានឲ្យដឹងទៀតថា ជម្លោះនៅអ៊ុយក្រែនទំនងជានឹងបន្តអូសបន្លាយពេលយូរអង្វែងទៀត ហើយប្រហែលជាមិនបញ្ចប់ត្រឹមរដូវក្តៅឆ្នាំ ២០២៣ នេះនោះទេ ។

លោក Stoltenberg បានបន្ថែមថា “វាគឺជាលទ្ធភាពដែលជម្លោះនៅអ៊ុយក្រែននឹងអូសបន្លាយពេល វាមិនចប់ត្រឹមរដូវក្តៅនេះនោះទេ ព្រោះថា សង្គ្រាមពិបាកនឹងទាយទុកជាមុនណាស់ ហើយពួកគេត្រូវការពេលវេលា ក៏ដូចជាជំនួយបន្ថែមផងដែរ” ។

គួរបញ្ជាក់ថា រហូតមកដល់ពេលនេះសង្គ្រាមរវាងរុស្ស៊ី និងអ៊ុយក្រែនដែលលោកប្រធានាធិបតី វ្ល៉ាឌីមៀ ពូទីន ចាត់ទុកជាប្រតិបត្តិការយោធាពិសេសបានអូសបន្លាយពេលជិត ៥ ខែមកហើយ ក្រោយផ្ទុះការលុកលុយរបស់កងកម្លាំងទីក្រុងមូស្គូលើទីក្រុងកៀវកាលពីថ្ងៃទី ២៤ ខែកុម្ភៈ ៕

ដោយ៖ Puthinews

Telegram Channel: Puthinews

Youtube Channel: Puthi News

Puthinews Android app: Puthi News

- Advertisement -spot_imgspot_img
- Advertisement -spot_imgspot_img

អានបន្ត