27 C
Phnom Penh
Wednesday, August 10, 2022

ចំណូល​ពន្ធគយ​ក្នុង​ឆមាស​ទីមួយ​របស់​កម្ពុជា​ឆ្នាំ​២០២​២​មាន​ចំនួន​១​,​២​ពាន់​លាន​ដុល្លារ​

កម្ពុជា​ប្រមូល​ចំណូល​ពន្ធ​បាន​ចំនួន ១៧២៦ លាន​ដុល្លារ​ក្នុង​អំឡុង​ខែ​មករា​ដល់​ខែ​ឧសភា​ឆ្នាំ​នេះ កើន​ឡើង ២៧,៩៥ ភាគរយ បើ​ធៀប​នឹង​រយៈពេល​ដូច​គ្នា​កាល​ពី​ឆ្នាំ​មុន។

​អគ្គនាយកដ្ឋាន​គយ​ ​និង​រដ្ឋាករ​កម្ពុជា​ទទួល​បាន​ចំណូល​ពន្ធគយ​ចំនួន​ ​១​,​២​៩​៣​ ​លាន​ដុល្លារ​ក្នុង​ឆមាស​ទីមួយ​នៃ​ឆ្នាំនេះ​ ​ដែល​តំណាង​ឱ្យ ​៥​០​,​១​ ​ភាគរយ​នៃ​ផែនការ​ហិរញ្ញវត្ថុ​សម្រាប់​ឆ្នាំ​ ​២​០​២​២​។​

​លោក​ ​គុណ​ ​ញឹម​ ​អគ្គនាយក​នៃ​អគ្គនាយកដ្ឋាន​គយ​ ​និង​រដ្ឋាករ​កម្ពុជា​បាន​លើកឡើង​ពី​តួលេខ​នេះ​នៅ​ក្នុង​សន្និសីទ​សារ​ព័ត៌មាន​ស្តីពី​លទ្ធផល​នៃ​ការ​ប្រមូល​ពន្ធ​ពី​យានយន្ត​ដែល​នាំចូល​ដោយ​ខុសច្បាប់​ ​និង​ចង្កូត​ស្តាំ​កាលពី​ថ្ងៃ​ព្រហស្បតិ៍​។​

​លោក​​​មានប្រសាសន៍ថា​ ​ប្រាក់ចំណូល​ដែល​ប្រមូល​បាន​តំណាង​ឱ្យ​ពាក់កណ្តាល​នៃ​ផែនការ​ហិរញ្ញវត្ថុ​សម្រាប់​ឆ្នាំ​២​០​២​២​ ​ដែល​ឆ្លុះបញ្ចាំង​ពី​ដំណើរ​ការ​ល្អ​ក្នុង​ការ​ប្រមូល​ពន្ធ​។​

​លោក​បន្ត​ថា​ ​រថយន្ត​ ​និង​គ្រឿងចក្រ​បាន​ឈរ​នៅ​លំដាប់​កំពូល​ក្នុង​បញ្ជី​ប្រភព​ចំណូល​គយ​ ​និង​ពន្ធដារ​ចំនួន​ ​៤​៣​ ​ភាគរយ​។​

​ព្រះរាជាណាចក្រកម្ពុជា​មាន​ស្ថាប័ន​ចំនួន​ពីរ​ទទួល​បន្ទុក​ប្រមូល​ពន្ធ​។​ ​មួយ​គឺ​អគ្គនាយកដ្ឋាន​ពន្ធដារ​ដែល​ផ្ដោត​លើ​ពន្ធ​ផ្ទៃក្នុង​ដូចជា​ ​ពន្ធ​លើ​ប្រាក់ចំណូល​ ​ពន្ធ​លើ​ប្រាក់បៀវត្សរ៍​ ​ពន្ធ​លើ​តម្លៃ​បន្ថែម​ ​និង​ពន្ធ​អចល​ន​ទ្រព្យ​។​ ​មួយទៀត​ ​គឺ​អគ្គនាយកដ្ឋាន​គយ​ ​និង​រដ្ឋាករ​ដែល​ប្រមូល​ពន្ធ​លើ​ទំនិញ​ចូល​និង​ចេញពី​ប្រទេស​។​

​កម្ពុជា​ប្រមូល​ចំណូល​ពន្ធ​បាន​ចំនួន​ ​១​៧​២​៦​ ​លាន​ដុល្លារ​ក្នុង​អំឡុង​ខែ​មករា​ដល់​ខែ​ឧសភា​ឆ្នាំនេះ​ ​កើន​ឡើង​ ​២៧,៩៥​ ​ភាគរយ​ ​បើ​ធៀប​នឹង​រយៈពេល​ដូចគ្នា​កាល​ពីឆ្នាំមុន​។​

​លោក​នាយករដ្ឋមន្ត្រី​ ​ហ៊ុន​ ​សែន​ ​មាន​ប្រសាសន៍​កាល​ពី​ចុងខែ​មុន​ថា​ ​រដ្ឋាភិបាល​រកចំណូល​បាន​ជិត​ ​៥​០​០​ ​លាន​ដុល្លារ​ពី​គ្រប់​ប្រភព​នៃ​ពន្ធ​ក្នុង​ខែ​មិថុនា​តែមួយ​ ​ស្រប​ទៅ​នឹង​ការ​កើន​ឡើង​នៃ​តម្រូវ​ការ​ក្នុងស្រុក​ ​និង​ការនាំចូល​។​

​លោក​នាយករដ្ឋមន្ត្រី​បន្ត​ថា​ ​ប្រាក់ចំណូល​នៅ​មាន​ក​ម្រិ​ត​ទាប​នៅឡើយ​ ​បើ​ធៀប​ទៅ​នឹង​សម័យ​មុន​កូ​វី​ដ​-​១​៩​ ​ដែល​មាន​ចន្លោះ​ពី​៥​០​០​ ​លាន​ដុល្លារ​ ​ទៅ​៧​០​០​ ​លាន​ដុល្លារ​ក្នុង​មួយ​ខែ​។​ ​ប៉ុន្តែ​វា​ប្រសើរ​ជាង​ប្រាក់ចំណូល​ ​៤​០​០​លាន​ដុល្លារ​ដែល​ទទួល​បាន​ពី​ពន្ធ​ក្នុង​អំឡុង​ពេល​កូ​វី​ដ​-​១​៩​។​

​រដ្ឋាភិបាល​បាន​បើក​ព្រំដែន​ឡើងវិញ​សម្រាប់​អ្នក​ទេសចរ​ដែល​បាន​ចាក់​វ៉ាក់សាំង​ ​និង​បន្ត​សកម្មភាព​សេដ្ឋកិច្ច​សង្គម​ឡើង​វិញ​កាល​ពី​ខែវិច្ឆិកា​កន្លង​ទៅ​ ​បន្ទាប់​ពី​ប្រទេស​កម្ពុជា​មាន​អត្រា​ប្រជាជន​ទទួល​បាន​វ៉ាក់សាំង​ខ្ពស់​៕

ដោយ៖ Puthinews

Telegram Channel: Puthinews

Youtube Channel: Puthi News

Puthinews Android app: Puthi News

- Advertisement -spot_imgspot_img

អានបន្ត

spot_imgspot_img