27 C
Phnom Penh
Wednesday, August 10, 2022

ក្រុមហ៊ុន​ ​Nest​l​é ​វិល​មក​វិនិយោគ​នៅ​កម្ពុជា​ឡើងវិញ​ ​ក្រោយ​ផ្អាក​អស់​រយៈពេល​១​៥​ ​ឆ្នាំ

រដ្ឋមន្ត្រី​ពាណិជ្ជកម្ម​កម្ពុជា​ដឹកនាំ​គណៈប្រតិភូ​ក្រសួង​ពាណិជ្ជកម្ម​ធ្វើ​ទស្សនកិច្ច​នៅ​ក្រុមហ៊ុន​ ​Nest​l​é S​wit​z​e​r​land​ ​នៅ​ប្រទេស​ស្វីស​។​

​អ្នកនាំពាក្យ​ក្រសួង​ពាណិជ្ជកម្ម​ ​លោក​ ​ប៉ែន​ សុ​វិជាតិ​ ​បាន​ប្រាប់​កាសែត​ខ្មែរ​ថា​ម​ស៍ ​កាលពី​ថ្ងៃ​ច​ន្ទ័​ថា​ ​ក្រុមហ៊ុន​ ​Nestle​ ​ដែល​ជា​ក្រុមហ៊ុន​ផលិត​នូវ​ផលិតផល​ទឹកដោះគោ​ឈាន​មុខ​គេ​មួយ​ក្នុង​ពិភពលោក​ ​គ្រោង​នឹង​បើក​រោងចក្រ​របស់​ខ្លួន​ឡើងវិញ​នៅ​ក្នុង​ប្រទេស​កម្ពុជា​ ​បន្ទាប់​ពី​បាន​បរិច្ចាគ​រោងចក្រ​ខ្លួន​ក្នុង​រាជធានី​ភ្នំពេញ​ ​ទៅ​ដល់​អង្គការ​មិនមែន​រដ្ឋាភិបាល​ ​អស់​រយៈពេល​មួយ​ទសវត្សរ៍​កន្លះ​រួចមក​។​

​សេចក្តី​សម្រេច​នេះ​ ​ត្រូវ​បាន​បញ្ជូន​ទៅ​គណៈប្រតិភូ​កម្ពុជា​ដឹកនាំ​ដោយ​រដ្ឋមន្ត្រី​ក្រសួង​ពាណិជ្ជកម្ម​លោក​ ​ប៉ាន​ ​សូរ​ស​័ក្តិ ​ដែល​បាន​ធ្វើ​ទស្សនកិច្ច​នៅ​ក្រុមហ៊ុន​ ​Nestle​ S​wit​z​e​r​land​ ​ក្នុង​ទីក្រុង​ ​V​eve​y​។​

​លោកបានមាន​ប្រសាសន៍​ថា​៖​«​យើង​បាន​ជំរុញ​ឱ្យ​ក្រុមហ៊ុន​វិនិយោគ​ទៅ​លើ​រោងចក្រ​នៅ​ក្នុង​ប្រទេស​កម្ពុជា​ឡើង​វិញ​ ​ដោយសារ​បរិយាកាស​នៃ​ការ​វិនិយោគ​ ​និង​ ​អាជីវកម្ម​នៅ​ក្នុង​ប្រទេស​មាន​ភាព​ប្រសើរ​ឡើង​»​។​

​លោក​បន្ត​ថា​ ​ក្រុមហ៊ុន​ ​Nestle​ ​មាន​ទីតាំងនៅ​ក្នុង​ខណ្ឌ​ឬស្សី​កែវ​ ​ប្រទេស​កម្ពុជា​។​ ​យើង​បាន​បញ្ចុះ​បញ្ចូល​ក្រុមហ៊ុន​ឱ្យ​ពិចារណា​លើ​ការ​បើក​ដំណើរការ​រោងចក្រ​ឡើង​វិញ​ ​ពីព្រោះ​ទី​ផ្សារ​នៅ​ទីនេះ​ ​ធំ​ជាង​មុន​ ​និង​ខុស​ប្លែក​ពី​កិច្ចព្រមព្រៀង​ពាណិជ្ជកម្ម​សេរី​មួយ​ចំនួន​ទៀត​ ​។​

​លោក​ ​ប៉ែន​ សុ​វិជាតិ​ ​បាន​ប្រាប់​បុគ្គលិក​របស់​ក្រុមហ៊ុន​ ​Nestle​ ​រួម​មាន​លោក​ ​Rem​y​ ​E​j​e​l​ ​ជានា​យក​ប្រតិបត្តិ​ក្រុមហ៊ុន​ប្រចាំ​តំបន់​អាស៊ី​,
អូ​សេ​អា​នី​ ​និង​អនុ​តំបន់​សា​ហា​រ៉ា​អា​ហ្រ្វិក
(​A​O​A​), ​លោក​ C​h​r​i​s ​Hog​g​ ​ជា​ប្រធាន​ផ្នែក​ទំនាក់​ទំនង​ ​V​P​ ​និង​ ​លោក​ ​Michelle​ ​A​l​v​aril​l​o ​ជា​អ្នកគ្រប់គ្រង​តំបន់​ថា​ ​កម្ពុជា​បាន​ចុះហត្ថលេខា​លើ​កិច្​ចព្រមព្រៀង​ពាណិជ្ជកម្ម​សេរី​ជាមួយ​ប្រទេស​ចិន​ ​និង​កូរ៉េ​ខាងត្បូង​ ​ហើយ​ ​ក៏​បាន​ចូលរួម​ភាពជា​ដៃគូ​សេដ្ឋកិច្ច​ទូលំទូលាយ​ក្នុង​តំបន់​ (RC​E​P​) ​ដែល​ប្រទេស​ចិន​ ​ជប៉ុន​ ​កូរ៉េ​ខាងត្បូង​ ​អូស្ត្រាលី​ ​និង​នូ​វែល​​សេ​ឡង់​ ​ជា​ដៃគូ​របស់​កម្ពុជា​ផង​ដែរ​។​

​លោក​បន្ត​ថា​ ​កម្ពុជា​ក៏បាន​បង្កើត​ច្បាប់​ដើម្បី​ធានា​បរិយាកាស​វិនិយោគ​ ​និង​ធុរកិច្ច​ឲ្យ​កាន់តែ​ប្រសើរ​ឡើង​ក្នុង​ប្រទេស​ ​ជាមួយនឹង​ការ​ប្រកួត​ប្រជែង​ដោយ​យុត្តិធម៌​ ​និង​គុណភាព​ ​សុវត្ថិភាព​អ្នក​ប្រើប្រាស់​ ​និង​ការ​ការពារ​សិទ្ធិ​អចលនទ្រព្យ​ ​ដើម្បី​ទាក់ទាញ​ការ​វិនិយោគ​ពី​បរទេស​ផង​ដែរ​។​ ​ទាំងអស់​នេះ​ហើយ​ដែល​នាំ​ឱ្យ​ក្រុមហ៊ុន​ពិចារណា​លើ​ការ​វិនិយោគ​ក្នុង​ប្រទេស​របស់​យើង​ម្ដងទៀត​ ​តាមរយៈ​ការ​សាងសង់​រោងចក្រ​ ​និង​ ​គ្រឿង​បរិក្ខារ​ផ្សេង​ទៀត​នៅ​ទីនេះ។​ ​ប៉ុន្តែ​ ​ក្រុមហ៊ុន​ត្រូវ​ការ​ដៃគូ​ដើម្បី​ធ្វើ​ការ​សិក្សា​លើ​ការ​បង្កើត​រោងចក្រ​ ​ក្នុង​ប្រទេស​កម្ពុជា​។​

​បុគ្គលិក​ម្នាក់​នៅ​ការិយាល័យ​តំណាង​របស់​ក្រុមហ៊ុន​ ​Nestle​ ​ក្នុង​ទីក្រុង​ភ្នំពេញ​ ​បាន​និយាយ​ថា​ ​បុគ្គលិក​របស់​ក្រុមហ៊ុន​នៅ​កម្ពុជា​ក៏​ត្រូវ​បាន​ជូន​ដំណឹង​អំពី​ដំណើរ​ទស្សនកិច្ច​របស់​រដ្ឋមន្ត្រី​មក​កាន់​ទីស្នាក់ការ​របស់​ខ្លួន​នៅ​ប្រទេស​ស្វីស​ផង​ដែរ​។​

​ក្រុមហ៊ុន​ ​Nest​l​é ​បាន​ប្រគល់​អគារ​រោងចក្រ​ទំនេរ​របស់​ខ្លួន​ក្នុង​រាជធានី​ភ្នំពេញ​ទៅ​ឱ្យ​អង្គការ​ ​Hagar​ ​International​ ​ដែល​ជា​មូលនិធិ​ស្វីស​ ​ដើម្បី​ជួយ​ស្ត្រី​ទុរគត​ ​និង​កុមារ​ក្នុង​ឆ្នាំ​ ​២​០​០​៧​ ​ក្នុង​ការ​គាំទ្រ​ដល់​ការ​ប្រយុទ្ធ​ប្រឆាំង​នឹង​កង្វះ​អាហារូបត្ថម្ភ​ ​និង​ភាព​ក្រីក្រ​នៅ​ក្នុង​ប្រទេស​កម្ពុជា​។​

​ក្រុមហ៊ុន​ ​Nest​l​é ​ក៏​ផ្តល់​ឱ្យ​អង្គការ​ ​Hag​ar​ ​International​ ​នូវ​ចំណេះ​ដឹង​បន្ថែម​លើ​ការ​ផ្គត់ផ្គង់​ទឹក​ស្អាត​ ​និង​ការ​បណ្តុះ​បណ្តាល​បច្ចេកទេស​សម្រាប់​បុគ្គលិក​របស់​ខ្លួន​ផង​ដែរ​។​ ​ភាពជា​ដៃគូ​របស់​ក្រុមហ៊ុន​ ​Nest​l​é ​ជាមួយ​អង្គការ​ ​Hag​ar​ ​International​ ​បាន​ចាប់​ផ្តើម​នៅ​ក្នុង​ឆ្នាំ​២​០​០​៦​ ​នៅ​ពេល​ដែល​ទីប្រឹក្សា​បច្ចេកទេស​របស់​ក្រុមហ៊ុន​ ​Nest​l​é ​បាន​ចាប់ផ្តើម​ជួយ​អង្គការ​ឱ្យ​ប្រសើរ​ឡើង​នូវ​ការ​អនុវត្ត​ផលិតកម្ម​អាហារ​របស់​ក្រុមហ៊ុន​៕

ដោយ៖ Puthinews

Telegram Channel: Puthinews

Youtube Channel: Puthi News

Puthinews Android app: Puthi News

- Advertisement -spot_imgspot_img

អានបន្ត

spot_imgspot_img
spot_imgspot_img
spot_imgspot_img